تحصیل مظفرگڑھ اور تحصیل کوٹ ادو میں باردانہ کیلئے درخواستیں وصول کرنے کا عمل جاری

بدھ 18 اپریل 2018 20:00

مظفرگڑھ۔18 اپریل(اُردو پوائنٹ اخبارتازہ ترین - اے پی پی۔ 18 اپریل2018ء) ڈپٹی کمشنر محمد سیف انور نے کہا ہے کہ حکومت پنجاب کی پالیسی کے تحت ضلع کی تحصیل مظفرگڑھ اور تحصیل کوٹ ادو میں باردانہ کے حصول کیلئے درخواستیں وصول کرنے کا عمل جاری ہے جو 20اپریل تک بغیر کسی وقفے کے جاری رہے گا۔

(جاری ہے)

انہوں نے کہا کہ گندم کے کاشتکار اپنے اپنے متعلقہ مراکز پر شناختی کارڈ کی فوٹو کاپی کے ہمراہ سادہ درخواست دیں اور اس کی رسید حاصل کریں رسید پر سیریل نمبر اور ترجیح نمبر درج ہوگا،انہوں نے کہا کہ 23اپریل کو کابینہ برائے گندم خریداری کے متعین کردہ تعداد کے مطابق ہر مرکزپر کاشتکاروں کی فہرستیں آویزاں کردی جائیں گی اور 24اپریل سے باقاعدہ باردانہ کی تقسیم کا عمل شروع کردیا جائے گا، جو اگلے 30دن جاری رہے گا،فہرستوں کے مطابق کاشتکار مقررہ تاریخ کو باآسانی باردانہ حاصل کرسکیںگے ، انہوں نے کہا کہ باردانہ کی تقسیم میں کسی کاشتکار کے ساتھ زیادتی نہیں کی جائے گی، ہر کاشتکار کا اس کے استحقاق کے مطابق باردانہ فراہم کیا جائے گا، انہوں نے کہا کہ گندم خریداری مراکز کے کواڈینیٹرز کو ہدایت کی گئی ہے کہ باردانہ کی تقسیم میں کسی شفارش کو خاطر میں نہ لایا جائے اگر کوئی بلاوجہ دبا? ڈالتا ہے تو اس کے بارے میں فوری طور پر مجھے آگاہ کیا جائے، اس سلسلے میں کسی قسم کی کوتاہی کو ہر گز برداشت نہیں کیا جائے گا،ڈپٹی کمشنر نے کہا کہ درخواست جمع کرانے میں اگر کسی بھی کاشتکارکو دوشواری کا سامنا ہو یاکوئی شکایت ہو تو محکمہ خوراک کے افسران ، متعلقہ اسسٹنٹ کمشنر اور فوکل پرسن برائے گندم خریدرای ایڈیشنل ڈپٹی کمشنر ریونیو عطاء الحق سے رابطہ کیا جاسکتا ہے ، گندم کے کاشتکاروں کے مسائل کو ترجیح بنیادوں پرحل کیا جائے گا، انہوں نے بتایا کہ تمام مراکز پر سایہ کے لئے بہترین ٹینٹ ، بیٹھنے کیلئے کرسیاں ، پینے کیلئے پانی او ر پنکھے کا معقول انتظام کیا گیا ہے ، انہوں نے کہا کہ انتظام کا جائزہ لینے کیلئے وہ خود مختلف اوقات میں مختلف مراکز کا معائنہ بھی کریں گے۔