مانسہرہ میں ’’کھیلوں کے مقابلے ثقافتی وتفریحی سرگرمیوں ،میلوں اور نمائشوں کاانعقاد کرنے‘‘ کے ذیلی قوانین (بائی لائز)نافذ

پشاور۔ (اُردو پوائنٹ اخبارتازہ ترین۔ 18 اپریل2018ء) لوکل گورنمنٹ ایکٹ (1)113,2013 و(2) جدول ہفتم حصہ دوئم سیکشن 17 کے تحت اور کونسل کے اجلاس منعقدہ2 جنوری 2018 ء کی قراردادکے تحت تحصیل ناظم تحصیل میونسپل ایڈمنسٹریشن مانسہرہ خرم شہزاد خان نے ’’کھیلوں کے مقابلے ثقافتی وتفریحی سرگرمیوں ،میلوں اور نمائشوں کاانعقاد کرنے‘‘ کے ذیلی قوانین (بائی لائز)کو نافذ کردیاہے۔

جوکہ فوری طورپر نافذالعمل تصور ہونگے جن کی تشریح کے مطابق’’کھیلوں کے مقابلے ،ثقافتی وتفریح سرگرمیوں،میلوں اورنمائشوں کاانعقاد کرنا‘‘ہے۔ یہاں یہ امر قابل ذکر ہے کہ یہ ذیلی قوانین (Bye-Laws)کھیلوں کے مقابلوں ،ثقافتی وتفریح سرگرمیوں،میلوں اورنمائشوں کاانعقاد کرنا‘‘ مجریہ 2017 تحصیل کونسل مانسہرہ کہلائیںگے۔

(جاری ہے)

یہ ذیلی قوانین خیبرپختونخوا لوکل گورنمنٹ ایکٹ2013 سیکشن (1)22 کے مطابق کونسل کے فرائض کی ادائیگی سیکشن (1)113 و(2) کے تحت کونسل کو حاصل اختیارات اورجدول ہفتم حصہ دوئم سب سیکشن 17 کے مطابق وضع کئے گئے ہیں۔

یہ ذیلی قوانین فوری طورپر تحصیل مانسہرہ پرنافذالعمل ہونگے۔ تاوقتیکہ کونسل ان میںتبدیلی ،اضافہ ،یامنسوخی نہ کردے ۔یا صوبائی حکومت ازخود نئے قوانین بنا کر لاگونہ کردے۔ ٹی ایم اے ہو یامیونسپل کمیٹی یاجیسی بھی صورت حال ہو یہ ذیلی قوانین نئے قوانین کے آنے تک نافذالعمل رہیںگے جبکہ تعریفات کے سلسلے میں ایکٹ سے مراد صوبائی اسمبلی سے منظور کردہ لوکل گورنمنٹ ایکٹ مجریہ2013 ہے۔

ذیلی قوانین سے مرادLGA-2013 کے تحت یہ ذیلی قوانین برائے’’کھیلوں کے مقابلے ،ثقافتی وتفریحی سرگرمیوں اورنمائشوں کا انعقادکرنا‘‘ ہیں۔ حکومت سے مراد صوبائی حکومت خیبرپختونخوا ہے۔ کونسل سے مراد تحصیل کونسل مانسہرہ ہے۔ ٹی ایم اے سے مراد تحصیل میونسپل ایڈمنسٹریشن مانسہرہ ہے۔ ناظم سے مراد ناظم تحصیل کونسل ہے جبکہ نائب ناظم سے مراد نائب ناظم تحصیل کونسل ہے۔

سٹینڈنگ کمیٹی سے مراد لوکل گورنمنٹ ایکٹ کے تحت کونسل کی منتخب کردہ سٹینڈنگ کمیٹی ہے۔ کھیلوں سے مراد قومی وعلاقائی کھیل ہیں۔ کھیلوں کی ٹیم سے مراد کسی محلہ ،گلی یاگاؤں کے نوجوانوں پر مشتمل ایک گروپ جو کہ کوئی قومی یامقامی کھیل کھیلتے ہوںاور لازمی نہیں کہ کسی کھیلوں کی تنظیم سے رجسٹرڈ ہوں۔ مزید برآں ٹی ایم اے کے فرائض اور ذمہ داریوں کے مطابق ٹی ایم اے اپنے زیر انتظام علاقہ کے اندر صحت عامہ، سہولت عامہ اورمفادعامہ کی خاطر مقامی وقومی کھیلوں سپورٹس کی حوصلہ افزائی کے لئے مختلف کھیلوںپر مشتمل تحصیل گیمز کے انعقاد کے علاوہ کھیلوں کے انفرادی ٹورنامنٹس اورمیچز کاانعقاد واہتمام کرسکے گی ۔

خواتین ،کم عمربچوں معذور وخصوصی افراد اورموخنت/ خواجہ سراؤں کے لئے الگ الگ پروگرام مرتب کرسکے گی۔ ٹی ایم اے اپنے زیر اہتمام علاقہ کے اندر مختلف قسم کے ثقافتی میلوں ،فن پاروں ،ثقافتی ودستکاری نمائشوں ،موسیقی ،مشاعرے ،حسن قرات ،نعت خوانی ،علمی وادبی اوردیگر عوامی اجتماعات مرتب ومنعقد کرسکے گی۔ ٹی ایم اے قومی مواقع کاجشن اورعوامی تہواروں کے موقع پر عوام الناس کی تفریحی کے لئے آتش بازی وکھیل تماشے اورنوجوانوں کی جسمانی وذہنی نشونما کے لئے مختلف پروگرام منعقد کرسکے ۔

نیز بہترین سجاوٹ پرخصوصی انعامات واسناد عطا کرسکے گی ۔ٹی ایم اے کھیلوں کے گراؤنڈ اوران ڈور ہال مناسب کرایہ پر حاصل کرسکے گی۔ ٹی ایم اے مقابلوں میںاعلیٰ کارکردگی کے عامل افراد وٹیموں کی حوصلہ افزائی کے لئے خصوصی انعامات بصورت سرٹیفیکیٹ ،نقد انعام ٹرافیاں اور ایوارڈ عطاکرسکے گی۔ ٹی ایم اے صحت مند معاشرے کے قیام کے لئے علاقائی وقومی کھیلوں کی ٹیموں کو کھیلوںکے مطلوبہ ضروری سامان کی ازخود فراہمی یا مقاصد کے حصول کے لئے انہیں مالی وسائل فراہم کرسکے گی۔

ٹی ایم اے کھیلوں ،ثقافتی وادبی تنظیموں کی درخواست پران کے فراہم کردہ پروگرام اور تجویز کاجائز ہ لے کر عوام الناس کے بہترین مفاد میںان کی حوصلہ افزائی کے ساتھ ساتھ مالی وسائل ودیگر سہولیات فراہم کرسکے گی اور اس کی جملہ کارروائی کونسل میںپیش کی جائے گی۔ ۔اس امرکا اعلان تحصیل ناظم ،تحصیل کونسل / TMA مانسہرہ کی جانب سے کیاگیا۔