عمران نیازی جانتے ہیں کہ کے پی میں ان کا شو ختم ہو چکا،ان کی پریس کانفرنس شعبدہ بازی اورکھسیانی بلی کھمبا نوچے کے مترادف ہے،عمران خان نے خود سینیٹ کے لئے 40کروڑ کی بولی لگائی تھی،کے پی کے میں ہونے والی کرپشن کا ملبہ دوسروں پر ڈالنے کی کوشش کر رہے ہیں، سید نیئر حسین بخاری

جمعرات 19 اپریل 2018 00:10

اسلام آباد ۔18 اپریل(اُردو پوائنٹ اخبارتازہ ترین - اے پی پی۔ 19 اپریل2018ء) پاکستان پیپلزپارٹی کے سیکرٹری جنرل سید نیئر حسین بخاری نے عمران نیازی کی پریس کانفرنس پر تبصرہ کرتے ہوئے کہا ہے کہ کسی کو پارٹی سے نکالنا یا نہ نکالنا پی ٹی آئی کا اندرونی معاملہ ہے تاہم عمران نیازی کی پریس کانفرنس کھسیانی بلی کھمبا نوچے کے مترادف ہے۔ نیر بخاری نے کہاکہ عمران نیازی نے پریس کانفرنس کرکے کے پی کے میں ہونے والی کرپشن کا ملبہ دوسروں پر ڈالنے کی کوشش کی ہے۔

(جاری ہے)

انہوں نے کہا کہ عمران خان نے خود سینیٹ کے لئے 40کروڑ کی بولی لگائی تھی جبکہ پی ٹی آئی کے کارکن خود یہ الزام لگاتے رہے ہیں کہ پی ٹی آئی کے عہدے بکتے ہیں اور پی ٹی آئی اندرونی انتخابات میں الیکشن کمشنر نے خود پی ٹی آئی کے اندرونی انتخابات میں دھاندلی کا راز فاش کیا تھا اور قوم کو یہ بھی یاد ہے کہ پی ٹی آئی کے سابق عہدیدار عمران نیازی پر فارن فنڈنگ میں خوردبرد کا الزام لگاتے رہے ہیں۔ ان کا مقدمہ الیکشن کمیشن میں زیرسماعت ہے۔ نیر حسین بخاری نے کہا کہ عمران نیازی جانتے ہیں کہ کے پی میں ان کا شو ختم ہو چکا ہے اور آئندہ انتخابات جیت نہیں سکیں گے اس لئے ان کی پریس کانفرنس شعبدہ بازی ہے۔

عمران خان سے متعلق تازہ ترین معلومات

Facebook Twitter Google + Share on Whatsapp

متعلقہ عنوان :

مزید قومی خبریں