یمن میں حوثیوں کا نیول سپروائز عرب اتحادی فوج کے حملے میں ہلاک

منصور احمد السعادی کو عبدالملک الحوثی کا مقرب سمجھا جاتا ہے،حملے میں 11معاونین بھی مارے گئے

جمعرات 19 اپریل 2018 12:30

صنعائ(اُردو پوائنٹ اخبارتازہ ترین - این این آئی۔ 19 اپریل2018ء) یمن میں عرب اتحادی فوج نے ایک فضائی حملے میں حوثی باغیوں کا نیول سپر وائزر اور ملیشیا کے سربراہ عبدالملک الحوثی کے قریبی ساتھی منصور احمد السعادی کو ہلاک کردیا ۔عرب ٹی وی کے مطابق منصور احمد السعادی المعروف سجاد نامی جنگجو کو جنوب مغربی ساحلی شہر الحدیدہ میں نشانہ بنایا گیا۔

(جاری ہے)

حملے میں اس کے 11معاونین بھی مارے گئے۔ السعادی نے ایران سے جنگی تربیت حاصل کر رکھی تھی اور وہ ایران کے جھان بحری جہاز کے عملے میں بھی شامل تھا جسے 2012ء کو ایران سے یمن حوثی ملیشیا کے لیے اسلحہ لانے کی کوشش کے دوران روک دیا گیا تھا۔منصور احمد السعادی کا تعلق فوط مران سے ہے اور یہ علاقہ حوثیوں کا گڑھ سمجھا جاتا ہے۔ اس کے علاوہ اس کے حوثی ملیشیا کے سربراہ عبدالملک الحوثی کے ساتھ بھی گہرے دوستانہ مراسم تھے۔