مزدوروں کو تحفظ فراہم نہ کرنے کیخلاف درخواست پر حکومت اور سیکرٹری مائنز کو نوٹس جاری

جمعرات اپریل 18:30

لاہور۔19 اپریل(اُردو پوائنٹ اخبارتازہ ترین۔ 19 اپریل2018ء) لاہور ہائیکورٹ نے کوئلے اور پتھر کی کانوں میں کام کرنے والے مزدوروں کو تحفظ فراہم نہ کرنے کیخلاف درخواست پر حکومت اور سیکرٹری مائنز کو نوٹس جاری کر دیئے ہیں ۔

(جاری ہے)

لاہور ہائیکورٹ کے جسٹس سید مظاہر علی اکبر نقوی نے پاکستان مائن ورکرز ایسوسی ایشن کی درخواست پر سماعت کی جس میں مزدوروں کو تحفظ فراہم نہ کرنے کے اقدام کو چیلنج کیا گیا. درخواست میں موقف اختیار کیا گیا ہے کہ ورکرز کو تحفظ فراہم نہ کرنے سے ہر سال 40 مزدور زندگی کی بازی ہار جاتے ہیں. درخواست میں کہا گیا کہ مزدوروں کو نہ تحفظ فراہم کیا جاتا اور نہ معاوضہ مکمل ادا کیا جاتا ہے جس کی وجہ سے بیمار مزدوروں کو علاج معالجے کیلئے شدید مشکلات کا سامنا کرنا پڑتا ہی. درخواست میں استدعا کی گئی کہ کانوں میں کام کرنے والے مزدوروں کو تحفظ فراہم کرنے کا حکم دیا جائے۔