Live Updates

ایف بی آر نے شاہد آفریدی کی ”تلاشی “‘ شروع کردی

جمعہ 20 اپریل 2018 16:33

کراچی(اردو پوائنٹ تازہ ترین اخبار۔20اپریل 2018ء) آمدن سے زیادہ اثاثے بنانے اور ٹیکس کم دینے کے الزامات کے تحت ایف بی آر، انکم ٹیکس ونگ نے پاکستانی کرکٹ ٹیم کے سابق کپتان شاہد آفریدی کےخلاف تحقیقات شروع کردی ہیں۔ذرائع کے مطابق اینٹی منی لانڈرنگ اور ٹیکس چوری کی اطلاعات کے بعد ایف بی آر نے آفریدی کےخلاف تحقیقات کا آغاز کردیا ہے۔

(جاری ہے)

ایف بی آر نے شاہد آفریدی کیخلاف اینٹی منی لانڈرنگ کے تحت الزامات عائد کردیئے ہیں اور ان کے تمام بنک اکاﺅنٹس ، دیگر کاروباری معاملات ،شو رومز اور کرکٹ سے حاصل ہونے والی آمدنی کو چھپانے اور ٹیکس چوری کرنے کے معالات کی تحقیقات کا آغاز کر دیا ہے۔

ایف بی آر نے پہلے مرحلے میں شاہد آفریدی کے تمام بنک اکاﺅنٹس اور مالیاتی لین دین کی تفصیلات حاصل کرلی ہیں، تاہم ثبوت حاصل کرنے کے بعد انہیں باقائدہ تفتیش کیلئے طلب کیا جا سکتا ہے۔ اگر شاہد آفریدی کےخلاف تھوڑی بہت ہیرا پھیرا نظر آئی تو انہیں رقم جمع کرانے کا نوٹس جاری کیا جائے گاتاہم اگر ان پر منی لانڈرنگ کے الزامات ثابت ہوئے تو ان کے خلاف باقائدہ مقدمہ بھی درج کیا جا سکتا ہے۔