Live Updates

انگلش کر کٹ بورڈ نے 100بالز فارمیٹ متعارف کرنے کا فیصلہ کر لیا

جمعہ 20 اپریل 2018 21:22

لندن(اُردو پوائنٹ اخبارتازہ ترین - آئی این پی۔ 20 اپریل2018ء) انگلینڈ نے ٹوئنٹی20طرز کو مزید مختصر کرنے کی جانب قدم بڑھاتے ہوئے 100بالز فارمیٹ متعارف کرنے کا فیصلہ کرلیا۔

(جاری ہے)

انگلینڈ اینڈ ویلز کرکٹ بورڈ کی جانب سے 2020 میں نئے مینز اور ویمنز 8 ٹیموں پر مشتمل ایونٹس کا آغاز ہونا ہے، اگرچہ پہلے اسے آئی پی ایل کی طرز پر ٹوئنٹی 20 لیگ قرار دیا گیا تھا۔مگر اب اس میں فی ٹیم 100 بالز کا نیا فارمیٹ پیش کیا گیا جسے تمام اسٹیک ہولڈرز نے متفقہ طور پر سپورٹ کیا ہے۔ای سی بی کے چیف کمرشل آفیسر اور نئے ایونٹ کے ایم ڈی سنجے پٹیل نے کہاکہ یہ دراصل 100 بالز کرکٹ ہوگی جس میں 15 اوورز روایتی 6 بالز پر مشتمل ہوں گے، آخر میں 10 بالز کا ایک اوور ہوگا جومقابلے میں نئی سنسنی اور جوش و خروش پیدا کرے گا۔