گھوٹکی میں 11 سالہ بچی کا گلا دبا کر قتل، ملزم گرفتار

ہفتہ 21 اپریل 2018 17:28

گھوٹکی (اُردو پوائنٹ اخبارتازہ ترین - این این آئی۔ 21 اپریل2018ء) سندھ کے ضلع گھوٹکی کے سردار خان پٹافی گاں میں 11 سالہ بچی کو 2 پڑوسیوں نے گلا دبا کر قتل کردیا گیا۔مقتول بچی کے والد کے کہنا تھا کہ وہ اور ان کے اہل خانہ علاقے میں مزار پر حاضری دینے گئے تھے پیچھے ان کے پڑوسیوں نے ان کی بیٹی کا گلا دبا کر قتل کردیا۔والد کی جانب سے نشاندہی کیے جانے پر پولیس نے دو ملزمان کو گرفتار کرتے ہوئے فرسٹ انفارمیشن رپورٹ(ایف آئی آر) درج کرلی۔

(جاری ہے)

بچی کے والد نے دعوی کیا کہ مقتولہ کو قتل کیے جانے سے قبل ریپ کا نشانہ بنایا گیا تھا جسے تھانے کے اسٹیشن ہاؤس افسر(ایس ایچ او) امام الدین کی جانب سے ایف آئی آر میں شامل نہیں کیا گیا۔ایس ایچ او کا کہنا تھا کہ ملزمان نے اسے اس لیے قتل کیا کیونکہ بچی نے انہیں نازیبا حالت میں دیکھ لیا تھا۔پولیس کا کہنا تھا کہ دونوں ملزمان نے دوران حراست اپنے جرم کا اعتراف کرلیا ہے۔انہوں نے بتایا کہ بچی کی لاش کو پوسٹ مارٹم کے بعد اہل خانہ کے حوالے کردیا گیا ہے۔

Facebook Twitter Google + Share on Whatsapp

گھوٹکی میں 11 سالہ بچی کا گلا دبا کر قتل، ملزم گرفتار

متعلقہ عنوان :

مزید قومی خبریں