راجہ مطیع الرحمن پیپلزپارٹی راولپنڈی ڈویژن کے ڈپٹی سیکرٹری اطلاعات مقرر،نوٹیفیکیشن جاری

سید ابرار رضوی ، ڈویژنل صدر سردار سلیم حیدر اور چوہدری گجر کی راجہ مطیع الرحمن کو مبارکباد

منگل 24 اپریل 2018 19:47

اسلام آباد(اُردو پوائنٹ اخبارتازہ ترین - آن لائن۔ 24 اپریل2018ء) پیپلزپارٹی کے دیرینہ کارکن و پیپلزیوتھ آرگنائزیشن کے سابق صدر راجہ مطیع الرحمن کو پاکستان پیپلزپارٹی راولپنڈی ڈویژن کے ڈپٹی سیکرٹری اطلاعات مقرر کردیا گیا،نوٹیفیکیشن جاری کردیا گیا ۔

(جاری ہے)

تفصیلات کے مطابق پیپلزپارٹی پنجاب کے صدر قمرزمان کائرہ نے راجہ مطیع الرحمن کو پیپلزپارٹی راولپنڈی ڈویژن کا ڈپٹی سیکرٹری مقرر کیا ہے جبکہ پی پی پی پنجاب کے سیکرٹری جنرل چوہدری منظور کی جانب سے ان کے عہدے کا نوٹیفیکیشن جاری کردیا گیا ہے ۔پیپلزپارٹی فیڈرل کونسل کے رکن سید ابرار رضوی ، ڈویژنل صدر سردار سلیم حیدر اور چوہدری شاہد گجر نے راجہ مطیع الرحمن کو ان کی تعیناتی پر مبارکباد دی ہے۔