احسن اقبال کا بیان حلف اور آئین کی خلاف ورزی ہے، نعیم الحق

احتساب عدالت کے فیصلے کا وقت قریب آنے پر (ن) لیگ کے عدلیہ پر حملے بھی بڑھتے جارہے ہیں ، بیان

بدھ 25 اپریل 2018 21:32

احسن اقبال کا بیان حلف اور آئین کی خلاف ورزی ہے، نعیم الحق

اسلام آباد (اُردو پوائنٹ اخبارتازہ ترین - این این آئی۔ 25 اپریل2018ء) پاکستان تحریک انصاف کے رہنما نعیم الحق نے وفاقی وزیر داخلہ کے بیان کی مذمت کرتے ہوئے کہا ہے کہ احسن اقبال کا بیان حلف اور آئین کی خلاف ورزی ہے،احتساب عدالت کے فیصلے کا وقت قریب آنے پر (ن) لیگ کے عدلیہ پر حملے بھی بڑھتے جارہے ہیں ۔

(جاری ہے)

ایک بیان میں پی ٹی آئی کے رہنماء نعیم الحق نے کہا کہ احسن اقبال کا بیان حلف اور آئین کی خلاف ورزی ہے۔

انہوں نے کہا کہ مسلم لیگ (ن )کی حکمت عملی ہے کہ عدلیہ پر تنقید اور خود پر لگے الزامات پر پردہ ڈالے، (ن) لیگ نے قانون اور آئین کی خلاف ورزی کی، قومی دولت چوری کی اور اثاثے بنائے۔انہوں نے کہا کہ نواز شریف کے خلاف احتساب عدالت کے فیصلے کا وقت قریب آنے پر مسلم لیگ (ن)کی بوکھلاہٹ بڑھنے سے عدلیہ پر حملے بھی بڑھتے جارہے ہیں ۔