پاکستان میں1998ء سے 2017ء تک اوسطاً سالانہ گروتھ ریٹ مجموعی طور پر 2.40 رہا

خیبرپختونخوا میں 2.89، سندھ 2.41، بلوچستان 3.37، فاٹا 2.41 جبکہ اسلام آباد میں سب سے زیادہ 2.91 فیصد رہا

جمعرات 26 اپریل 2018 23:10

اسلام آباد ۔ (اُردو پوائنٹ اخبارتازہ ترین - اے پی پی۔ 26 اپریل2018ء) ملک بھر میں آبادی میں سب سے زیادہ اوسطاً سالانہ اضافہ اسلام آباد میں 4.91 فیصد ہوا ہے جبکہ سب سے کم پنجاب میں 2.13 فیصد ہے۔ جمعرات کو جاری اقتصادی سروے 2017-18ء کے مطابق پاکستان میں1998ء سے 2017ء تک اوسطاً سالانہ گروتھ ریٹ مجموعی طور پر 2.40 رہا۔ خیبرپختونخوا میں 2.89، سندھ 2.41، بلوچستان 3.37، فاٹا 2.41 جبکہ اسلام آباد میں سب سے زیادہ 2.91 فیصد رہا۔

(جاری ہے)

اس وقت ملک کی کل آبادی 20 کروڑ 77 لاکھ 70 ہزار ہے جس میں پنجاب کی آبادی 11 کروڑ ایک ہزار، سندھ 4 کروڑ 78 لاکھ 80 ہزار، بلوچستان ایک کروڑ 23 لاکھ 40 ہزار، خیبرپختونخوا 3 کروڑ 5 لاکھ 20 ہزار، فاٹا 50 لاکھ اور اسلام آباد 20 لاکھ ہے۔ سندھ کی 35 فیصد آبادی کراچی اور حیدرآباد میں رہتی ہے۔ کراچی ایک کروڑ 49 لاکھ 10 ہزار آبادی کے ساتھ ملک کا بڑا شہر ہے۔ 19 سال میں اس کی آبادی میں 59.8 فیصد اضافہ ہوا ہے۔ لاہور شہر کی آبادی ایک کروڑ 11 لاکھ 20 ہزار تک پہنچ گئی ہے جس میں 116.3 فیصد اضافہ ہوا ہے۔