ْاسلام آباد ٹریفک پولیس کیلئے اخلاقیات اور مثبت رویے پر15روزہ خصوصی ریفریشر کورس کا آغاز

شہریوں سے بدتمیزی ناقابل برداشت،ہر شخص کی عزت نفس کا خیال رکھا جائے اور خوش اخلاقی سے پیش آیا جائے،اور تبدیلی مثبت رویے سے لائی جا سکتی ہے، صورتحال کے مطابق شہریوں کو ایجوکیٹ بھی کریں،ایس ایس پی ٹریفک فرخ رشید کا ریفریشر کورس کے شرکاء سے خطاب،

جمعہ 27 اپریل 2018 22:58

اسلام آباد(اُردو پوائنٹ اخبارتازہ ترین۔ 27 اپریل2018ء) آئی ٹی پی کی کارکردگی کو مزید بہتر بنانے اور شہریوں کو ہر ممکن سہولیات فراہم کرنے کے لئے آئی ٹی پی ہیڈکوارٹرزمیںتمام افسران و جوانوں کے لئے ضابطہ اخلاق پرعمل پیرارہنے کیلئے 15روزہ ریفریشر کورس کا آغاز کیا گیا ہے،جس میں مرحلہ وار اسلام آباد ٹریفک پولیس میں تعینات تمام افسران و جوانوں کو ضابطہ اخلاق پر تفصیلی لیکچردیا جائیگا، جس میں پہلے دن 60سے زائد افسران وجوانوں نے شرکت کی اور تمام شرکاء کو بریفنگ کے علاوہ عملی طور پر بھی تربیت دی گئی،اورضابطہ اخلاق کے متعلق ضروری امور کی نشاندہی کی گئی،بالخصوص اسلام آباد کے شہریوں اور دوسرے شہروں سے آنیوالے روڈ یوزرز کی عزت نفس کو ملحوظ خاطر رکھتے ہوئے قانونی کارروائی کی جائے،اور قانون پر عملدرآمد کے ساتھ ساتھ اسلام آباد ٹریفک پولیس کوبحیثیت ادارہ اخلاق اوررویوں کو بطور مثال پیش کیا جاسکے، اس موقع پر ایس ایس پی ٹریفک نے افسران و جوانوں سے خصوصی خطاب کرتے ہوئے پیشہ وارانہ امور کے ساتھ ساتھ اخلاقیات کو خاص طور پر مدنظر رکھنے کی ہدایات جاری کیں اور کہا شہریوں سے بدتمیزی کسی صورت برداشت نہیں کی جائے گی،ضابطہ اخلاق اور مناسب رویہ اسلام آباد ٹریفک پولیس کا طرہ امتیاز ہے،اسلام آباد ٹریفک پولیسکا وژن پہلے سلام ،پھر کلام اورپھر چالان ،قانون پر بلاامتیاز عمل کرایا جائے اور صورتحال کے مطابق ٹریفک قوانین کے متعلق شعور اجاگر اور آگاہی بھی فراہم کی جائے۔

(جاری ہے)

انہی امور کو مدنظر رکھتے ہوئے اورخوش اخلاقی سے رویوں میں مثبت تبدیلی لائی جا سکتی ہے۔