وفاقی دارالحکومت میں تین روز ہ تبلیغی اجتماع آہوں اور سسکیوں اور رقت آمیز دعا ئوںکے ساتھ ختم

شرکاء کی اللہ کے حضور اپنے گناہوں کی معافی م ملکی ترقی ،خوشحالی ،استحکام ،امت مسلمہ کی فلاح اور القدس الشریف کی آزادی کے لئے خصوصی اجتماعی دعائیں عالم کفر مسلم دنیا پر بھوکوں کی طرح ٹوٹ پڑا ہے بے گورو کفن لاشیں تیرے محبوب نبی کی امت کی ہیں، ان کی حاجت فرما ہمارے اجتماعی گناہوں کو معاف فرما، آج کے فرعونوں نے معصوم بچوں کی لاشوں کے ڈھیر لگا دئیے ہیں ، ہمارے ملک پاکستان کو نظر بد سے بچا ۔ ملک کے چاروں صوبوں میں امن و محبت کی ہوائیں چلا دے، مولانا طارق جمیل کی اجتماع میں پچاس منٹ تک طویل رقت آمیز دعا

پیر 30 اپریل 2018 23:16

اسلام آباد(اُردو پوائنٹ اخبارتازہ ترین۔ 30 اپریل2018ء) وفاقی دارالحکومت میں تین روز تک جاری رہنے والا تبلیغی اجتماع آہوں اور سسکیوں اور رقت آمیز دعائوں کے ساتھ ختم ہو گیا جس دوران شرکاء نے اللہ کے حضور اپنے گناہوں کی معافی مانگی اور ملک کی ترقی ،خوشحالی ،استحکام ،امت مسلمہ کی فلاح اور القدس الشریف کی آزادی کے لئے خصوصی اجتماعی دعائیں کی گئیں اور کہاگیا کہ اے میرے مالک عالم کفر مسلم دنیا پر بھوکوں کی طرح ٹوٹ پڑا ہے بے گورو کفن لاشیں تیرے محوب کے نبی کی ہیں ان کی حاجت فرما ہمارے اجتماعی گناہوں کو معاف فرما آج کے فرعونوں نے معصوم بچوں کی لاشوں کے ڈھیر لگا دئیے ہیں ۔

ہمارے ملک پاکستان کو نظر بد سے بچا ۔ ملک کے چاروں صوبوں میں امن و محبت کی ہوائیں چلا دے مولانا طارق جمیل کی اجتماع میں پچاس منٹ تک طویل دعا تفصیلات کے مطابق اسلام آبادتبلیغی جماعت کااجتماع آہوں ،سسکیوں اور رقت آمیز دعائوں کے ساتھ اختتام پذیرہو گیا ۔

(جاری ہے)

اجتماع کے آخری روز دعامیں لاکھوں افرادنے شرکت کی ،اجتماع کے تیسرے اور آخری روزنماز فجر کے بعد رائے مرکز کے امام مولانامحمدجمیل نے ہدایات دیں جس میں حسن اخلاق اور تبلیغ دین کے فضائل بیان کیے گئے انھوں نے کہاکہ آج امت مسلمہ کونبیوں والے کام کے ساتھ جوڑناہوگاہماری دنیاوآخرت کی کامیابی اللہ کریم نے اپنے دین میں رکھی ہے یہ دین ہماری اور آنے والی انسانیت کی زندگی میں کیسے آئے گا اس کے لئے نبیوں کے طریقے پر اچھائی کاحکم اوربرائے سے روکنے والا کام یعنی دعوت وتبلیغ کرنی ہوگی انھوں نے کہاکہ جب کسی قوم میں گناہوں کی کثرت ہوجائے اور اچھائی کاحکم اور برائی سے روکنے والاکام بندہوجائے تو اس قوم پر اللہ کاعذاب آیاکرتاہے ہدایات کے بعدمعروف مذہبی سکالر اور تبلیغی راہنماء مولانامحمدطارق جمیل کی دعاکرائی دعامیں لوگ دھاڑیں مارکر روتے رہے اور خود مولاناطارق جمیل بھی جذبات پر قابو نہ پاسکے اور دھاڑیں مار مار کر رونے لگے ساتھ میں مجمع بھی آہوں اور سسکیوں میں ڈوب گیا مولانا طارق جمیل نے کہاکہ اے اللہ عالم اسلام کو امن کاگہوارہ بنا، ہمارے گناہ معاف اور ہمیں اپنی راہ پر چلنے والا بنادے ا جتماع کے آخرمیںاندروں وبیرون ملک کثیر تعدادمیں جماعتوں کی تشکیل کی گئی