مادھوری ڈکشٹ فلم ’’کلنک‘‘ میں ڈانس ٹیچر بنیں گی

جمعرات 3 مئی 2018 10:10

ممبئی ۔ (اُردو پوائنٹ اخبارتازہ ترین - اے پی پی۔ 03 مئی2018ء) بالی وڈ اداکارہ مادھوری ڈکشٹ فلم ’’کلنک‘‘ میں ڈانس ٹیچر کا کردار نبھائیں گی۔ بھارتی ذرائع ابلاغ کے مطابق مادھوری ڈکشٹ فلم’’ کلنک ‘‘میں رقص سکھاتی ہوئی دکھائی دیں گی۔

(جاری ہے)

کہاجارہاہے کہ مادھوری اور عالیہ بھٹ فلم میں ایک آئٹم گیت بھی پیش کریں گی۔ معروف اداکارہ کافی عرصے بعد کلنک میں سنجے دت کے ساتھ بطور اداکارہ کام کررہی ہیں۔ فلم کی کاسٹ میں ورون دھون، سوناکشی سنہا، سنجے دت، عالیہ بھٹ، ادیتیا رائے کپوراور مادھوری ڈکشٹ شامل ہیں۔ فلم کے پروڈیوسر کرن جوہر جبکہ ہدایتکار ابھیشیک ورمان ہیں۔ فلم آئندہ سال19اپریل کو نمائش کے لئے پیش کی جائے گی۔