تر جمان الیکشن کمیشن نے وزیر اعظم کے خلائی مخلوق والے بیان کی سختی سے تردید کر دی

یہ بیان آئین کی روح اور الیکشن کمیشن کے مینڈیٹ کے خلاف ہے، ملک کے انتہائی اہم آئینی منصب پہ فائض شخصیات کو الیکشن کمیشن ایسے بیانات سے گریز کا مشورہ دیتا ہے، محض مفروضوں اور قیاس آرائیوں پر مبنی ہو جو آئین کے صریحاً منافی اور پاکستان کے آئین کا تمسخراڑانے کے مترادف ہو، الیکشن کمیشن اپنی آئینی اور قانونی ذمہ داریوں میں مکمل آزاد ہے ترجمان الیکشن کمیشن کا بیان

جمعہ 4 مئی 2018 18:12

اسلام آباد (اُردو پوائنٹ اخبارتازہ ترین - آئی این پی۔ 04 مئی2018ء) تر جمان الیکشن کمیشن نے وزیر اعظم کے خلائی مخلوق والے بیان کی سختی سے تردید کر تے ہوئے کہا ہے کہ یہ بیان آئین کی روح اور الیکشن کمیشن کے مینڈیٹ کے خلاف ہے، ملک کے انتہائی اہم آئینی منصب پہ فائض شخصیات کو الیکشن کمیشن ایسے بیانات سے گریز کا مشورہ دیتا ہے جو محض مفروضوں اور قیاس آرائیوں پر مبنی ہو جو آئین کے صریحاً منافی اور پاکستان کے آئین کا تمسخراڑانے کے مترادف ہو، الیکشن کمیشن اپنی آئینی اور قانونی ذمہ داریوں میں مکمل آزاد ہے۔

جمعہ کو ترجمان الیکشن کمیشن نے اپنے ایک بیان میں کہا کہ الیکشن کمیشن آف پاکستان 2018کے عام انتخابات کیلئے مکمل تیار ہے، آئین کے آرٹیکل 218کے تحت آزادانہ، منصفانہ اور غیر جانبدارانہ انتخابات کروانا الیکشن کمیشن کی فرائض منصبی ہے، الیکشن کمیشن 4مئی 2018 کے اس خبر جس میں کہا گیا ہے کہ انتخابات کوئی خلائی مخلوق کرائیگی کی سختی سے تردید کرتا ہے۔

(جاری ہے)

ترجمان الیکشن کمیشن نے کہا کہ یہ بیان آئین کی روح اور الیکشن کمیشن کے مینڈیٹ کے خلاف ہے، آئین کے آرٹیکل 218اور 220اور الیکشن ایکٹ 2017کے سیکشن 11,10,9,8,6,5,4کے تحت الیکشن کمیشن اپنی آئینی اور قانونی ذمہ داریوں میں مکمل آزاد ہے۔ ملک کے انتہائی اہم آئینی منصب پہ فائض شخصیات کو الیکشن کمیشن ایسے بیانات سے گریز کا مشورہ دیتا ہے جو محض مفروضوں اور قیاس آرائیوں پر مبنی ہو جو آئین کے صریحاً منافی اور پاکستان کے آئین کا تمسخراڑانے کے مترادف ہو۔