نواز شریف کابیانیہ مسلم لیگ(ن) کو تباہی کی جانب لیکر جا رہا ہے، سینیٹر فیصل جاوید خان

آئندہ انتخابات میں اپنی شکست یقینی نظر آ نے پر ان کو خلائی مخلوق بھی نظر آنی شروع ہو گئی ہے، عمران خان انتخابات میں جیت کر پاکستانی عوام کو نئی لیڈر شپ فراہم کریں گے، پی ٹی آئی سینیٹر کی پارلیمنٹ ہائوس کے باہر میڈیا سے گفتگو

جمعہ مئی 18:39

اسلام آباد (اُردو پوائنٹ اخبارتازہ ترین۔ 04 مئی2018ء) پاکستان تحریک انصاف کے سینیٹر فیصل جاوید خان نے کہا کہ نواز شریف کابیانیہ مسلم لیگ(ن) کو تباہی کی جانب لیکر جا رہا ہے، آئندہ انتخابات میں اپنی شکست یقینی نظر آ نے پر ان کو خلائی مخلوق بھی نظر آنی شروع ہو گئی ہے، عمران خان انتخابات میں جیت کر پاکستانی عوام کو نئی لیڈر شپ فراہم کریں گے ۔ وہ جمعہ کو یہاں پارلیمنٹ ہائوس کے باہر میڈیا سے گفتگو کر رہے تھے۔

(جاری ہے)

انہوں نے کہا کہ عمران خان انتخابات میں جیت کر پاکستانی عوام کو نئی لیڈر شپ فراہم کریں گے اور پاکستان کو اسلامی فلاحی ریاست بنائیں گے۔ لاہور کے جلسے نے یہ بتا دیا کہ عوام اب عمران خان کے علاوہ کسی پر اعتبار نہیں کرتے ۔ نواز شریف اور ان کی جماعت کو آئندہ انتخابات میں اپنی شکست یقینی نظر آ رہی ہے اس لئے اب ان کو خلائی مخلوق بھی نظر آنی شروع ہو گئی ہے۔ ابھی آگے آگے چواز شریف کو اور بھی بہت کچھ نظر آئے گا۔ نواز شریف کو سیاست کے کنارہ کشی اختیار کر کے مکمل طور پر آرام کرنا چاہییے۔ ان کا بیانیہمسلم لیگ کو تباہی کی جانب لیکر جا رہا ہے۔ (ع خ)