عدالت نے تورغر کے علاقہ نصرت خیل میں غیرت کے نام پر دوہرے قتل میں گرفتار ملزم کی درخواست ضمانت خارج کر دی

جمعہ 4 مئی 2018 23:32

تورغر۔ (اُردو پوائنٹ اخبارتازہ ترین - اے پی پی۔ 04 مئی2018ء) تورغر کے علاقہ نصرت خیل میں غیرت کے نام پر دوہرے قتل میں گرفتار ملزم کی درخواست ضمانت عدالت نے خارج کر دی، ملزم تاج مرین کے خلاف چار ماہ قبل ہلکوٹ نصرت خیل میں دوشیزہ کو اس کے مبینہ آشناء سمیت غیرت کے نام پر قتل کرنے کی پاداش میں مقدمہ درج ہوا ہے۔

(جاری ہے)

پولیس نے ملزم کو گرفتار کر لیا تھا۔ عدالتی حکم پر چند روز قبل مقتول احمد حسین کی قبر کشائی بھی کر کے پوسٹ مارٹم کرایا گیا ہے۔ ملزم نے اپنے وکیل کے توسط سے ڈسٹرکٹ اینڈ سیشن جج اشفاق تاج کی عدالت میں درخواست ضمانت دائر کر رکھی تھی۔ مقررہ تاریخ پر وکلاء کی بحث کے بعد عدالت نے ملزم کی ضمانت کی درخواست خارج کر دی۔