آرمی چیف سے مختلف سرکاری سکولوں کے طلباء وطالبات کی ملاقات، جذبہ خیر سگالی کے تحت ایک طالبہ کے ساتھ شطرنج بھی کھیلی، آئی ایس پی آر

پاکستان میں ٹیلنٹ کی کمی نہیں، نوجوان نسل ہی ہماری اصل دفاعی صلاحیت ہے،جنرل قمر جاوید باجوہ

بدھ 9 مئی 2018 19:14

راولپنڈی (اُردو پوائنٹ اخبارتازہ ترین - این این آئی۔ 09 مئی2018ء) چیف آف آرمی سٹاف جنرل قمر جاوید باجوہ نے کہا ہے کہ پاکستان میں ٹیلنٹ کی کمی نہیں، نوجوان نسل ہی ہماری اصل دفاعی صلاحیت ہے۔آئی ایس پی آر کے مطابق بدھ کو آرمی چیف جنرل قمر جاوید باجوہ سے مختلف سرکاری سکولوں کے طلباء وطالبات نے ملاقات کی ہے۔

(جاری ہے)

اس موقع پر طلباء سے گفتگو کرتے ہوئے آرمی چیف جنرل قمر جاوید باجوہ نے کہا کہ پاکستان میں ٹیلنٹ کی کمی نہیں، ہماری نوجوان نسل ہی ہماری اصل دفاعی صلاحیت ہے۔

آرمی چیف نے نوجوانوں کو سائنس اور ٹیکنالوجی کے میدان میں جدید ترین عالمی معیارات کے مطابق مہارت حاصل کرنے کی ہدایت کی۔آئی ایس پی آر کے مطابق غیرسرکاری تنظیم زندگی ٹرسٹ کی معاونت سے تعلیم حاصل کرنیوالے بچوں نے کھیل کے میدان میں بھی کامیابیاں حاصل کیں۔آئی ایس پی آر کے مطابق آرمی چیف جنرل قمر جاوید باجوہ نے ایک طالبہ کے ساتھ جذبہ خیرسگالی کے تحت شطرنج بھی کھیلی۔