حالات میں بہتری آنا شروع، روپے کی تگڑی واپسی

مقامی کرنسی مارکیٹوں میں غیرملکی کرنسیوں کے مقابلے میں پاکستانی روپے کی قدر میں بہتری

بدھ مئی 20:21

حالات میں بہتری آنا شروع، روپے کی تگڑی واپسی
کراچی(اُردو پوائنٹ اخبارتازہ ترین۔ 09 مئی2018ء) مقامی کرنسی مارکیٹوں میں غیرملکی کرنسیوں کے مقابلے میں پاکستانی روپے کی قدر میں بہتری دیکھی گئی، بدھ کوانٹربینک مارکیٹ میں پاکستانی روپے کے مقابلے میں امریکی ڈالر کی قدر میں کمی کا رجحان رہا۔اوپن کرنسی مارکیٹ میں بھی امریکی ڈالر،،یورو،یواے ای درہم اور چینی یوآن کی قدر میں کمی جبکہ برطانوی پائونڈ کی قدر میں اضافے کا رجحان رہا۔

فار ایکس ایسوسی ایشن آف پاکستان کی جانب سے جاری اعداد و شمار کے مطابق بدھ کو انٹربینک مارکیٹ میں روپے کے مقابلے میں امریکی ڈالر کی قیمت خرید میں 2پیسے اور قیمت فروخت میں4پیسے کی کمی ریکارڈ کی گئی ،جس کے نتیجے میں امریکی ڈالر کی قیمت خرید115.62روپے سے گھٹ کر115.60روپے اور قیمت فروخت115.72روپی سے گھٹ کر115.66روپے ہوگئی۔

(جاری ہے)

اوپن کرنسی مارکیٹ میں امریکی ڈالر کی قدرمیں30پیسے کی کمی ریکارڈ کی گئی، جس کے نتیجے میں امریکی ڈالر کی قیمت خرید118.10روپے سے گھٹ کر117.80روپے اور قیمت فروخت118.60روپے سے گھٹ کر118.30روپے ہوگئی۔

یوروکی قیمت خرید میں10پیسے کی کمی جبکہ فروخت میں استحکام اور برطانوی پائونڈکی قیمت میں50پیسے کااضافہ ریکارڈ کیاگیا،جس کے نتیجے میں باالترتیب یورو کی قیمت خرید139.50روپے سے گھٹ کر139.40روپے اور قیمت فروخت141.00روپے پر مستحکم جبکہ برطانوی پائونڈ کی قیمت خرید159.00روپے سے بڑھ کر159.50 اور قیمت فروخت160.50روپی سے بڑھ کر161.00روپے ہو گئی ۔۔سعودی ریال کی قیمت میں15پیسے کااضافہ جبکہ یواے ای درہم کی قدرمیں20پیسی کی کمی ریکارڈ کی گئی، جس کے نتیجے میں باالترتیب سعودی ریال کی قیمت خرید31.30روپے سے بڑھ کر31.45اور قیمت فروخت31.60روپے سے بڑھ کر31.75روپے اور یو اے ای درہم کی قیمت خرید32.20روپی سے گھٹ کر32.00روپے اور قیمت فروخت32.50روپے سے گھٹ کر32.30روپے ہوگئی۔

چینی یوآن کی قیمت خرید میں20پیسے اور قیمت فروخت میں10پیسے کی کمی ریکارڈ کی گئی ، جس کے نتیجے میں چینی یوآن کی قیمت خرید19.20روپے سے گھٹ کر19.00روپے اور قیمت فروخت19.90روپے سے گھٹ کر19.80روپے ہوگئی۔