شاہد کپور کی تیلگوفلم’’ارجن ریڈی‘‘ کے ہندی ریمیک کے لئے تیاریاں شروع

ہفتہ 12 مئی 2018 12:59

ممبئی۔ (اُردو پوائنٹ اخبارتازہ ترین - اے پی پی۔ 12 مئی2018ء) بالی وڈ اداکار شاہد کپور نے تیلگوفلم’’ارجن ریڈی‘‘ کے ہندی ریمیک میں اپنے کردارکے لئے تیاریاں شروع کر دیں۔

(جاری ہے)

بھارتی ذرائع ابلاغ کے مطابق شاہد کپور ان دنوں یامی گوتم اور شردھا کپور کے ساتھ فلم ’’بتی گل میٹر چالو‘‘ کی عکس بندی میں مصروف ہیں اور ساتھ ہی انہوں نے تیلگو فلم ’’ارجن ریڈی‘‘ کے ہندی ریمیک کے لئے بھی تیاریاں شروع کر دی ہیں۔ تاہم ابھی اس حوالے سے کوئی باضابطہ اعلان نہیں کیا گیا۔ فلم کی عکس بندی جولائی میں شروع کی جائے گی ۔ فلم کے ہدایتکار سندیپ ونگاجبکہ پروڈیوسر مراد کھیتانی اور ایشون وردے ہیں۔