نوازشریف اپنے حلف سے منحرف ہو ئے، بھارت نواز بیان دیکر آئین پاکستان سے غداری کی

آئین کے آرٹیکل 6کے تحت غداری کا مقدمہ درج کیا جا ئے،پی ٹی آئی رہنما کی جانب سے سی پی او فیصل آباد کو درخواست دے دی گئی

پیر 14 مئی 2018 15:20

فیصل آباد (اُردو پوائنٹ اخبارتازہ ترین - آئی این پی۔ 14 مئی2018ء) سا بق وزیر اعظم نوازشریف ملک کے آئین کے تحت بطور وزیر اعظم اپنے حلف سے منحرف ہو ئے بھارت نواز بیان دیکر آئین پاکستان سے غداری کی آئین کے آرٹیکل 6کے تحت غداری کا مقدمہ درج کیا جا ئے ، پی ٹی آئی کی جانب سے سی پی او فیصل آباد کو درخواست دے دی ۔

(جاری ہے)

پاکستان تحریک انصاف (پی ٹی آئی) کے ڈپٹی سیکڑی جنرل فرخ حبیب نے گز شتہ روز سٹی پولیس آفیسر کو درخواست دیتے ہو ئے موقف اختیار کیا کہ سا بق وزیر اعظم میاں نواز شریف نے تین مرتبہ بطور وزیر اعظم ملک اور آئین سے وفاداری کا حلف اٹھا یا بھارت کو مبینہ طور پر غیر ذمہ دارانہ بیان دیکر حلف اور ملک کے آئیں سے غداری کی جس سے میرے سمیت پاکستان کے کروڑوں عوام کے جذبات مجروع ہو ئے سا بق وزیر اعظم نے پہلے ملک کی ساری دولت بھار ت سمیت دیگر ممالک میںغیر آئینی طریقے سے منتقل کی اور اب بھارت کو کھلے الفاظ میں بتا دیا کہ ممبئی حملوں میں پاکستا نی دہشت گرد ملوث تھے میاں نواز شریف اب ملک کے لیے سکیورٹی رسک بن چکے ہیں ان کے خلاف ملک اور آئین سے غداری کا آئین کے آٹیکل 6کے تحت مقدمہ درج کیا جا ئے سی پی او فیصل آباد نے پی ٹی آئی رہنماء کی طرف سے دی گئی درخواست لیگل برانچ بھجوا کر را ئے مانگ لی ۔