ہنگوعلاقہ غیرسے بنوں منشیات سمگل کرنے کی کوشش ناکام

ہنگو(اُردو پوائنٹ اخبارتازہ ترین - این این آئی۔ 15 مئی2018ء) ہنگوعلاقہ غیرسے بنوں منشیات سمگل کرنے کی کوشش ناکام بنا دی گئی۔کارکے ڈیگی سے بریف کیس میں چھپائی گئی 15کلوگرام چرس اور5کلوافیون برآمد کر کے ملز م گرفتار کر لیا گیا۔ڈی ایس پی شوکت بخار ی اور ایس ایچ او دوآبہ طارق خان نے تھانہ دوآبہ میںمیں میڈیا کو بریفنگ دیتے ہوئے کہا کہ ڈسٹرکٹ پولیس آفیسرہنگوآصف گوہرکی خصوصی ہدایت پر علاقہ کربوغہ شریف میں مخبرکی اطلاع پرناکہ بندی کرکے علاقہ غیر وزیرستان ایجنسی سے براستہ دوآبہ ضلع بنوں منشیات سمگل کرنے کی کوشش ناکام بناتے ہوئے موٹرکارنمبر465.پشاورکے ڈیگی سے بریف کیس میں چھپائی گئی 15کلوگرام چرس اور 5کلو گرام افیون برآمدکرکے بین الاضلاعی سمگلر طارق شاہ ولدظاہرشاہ سکنہ شمالی وزیرستان کوگاڑی سمیت گرفتارکرلیا۔

(جاری ہے)

ملزم کے خلاف تھانہ دوآبہ میں9C CNSAکے تحت مقدمہ درج کرلیاگیا۔ڈی ایس پی شوکت بخاری اور ایس ایچ او طارق خان نے کہا کہ ہنگوپولیس جرائم پیشہ عناصرکے خلاف متحرک ہے۔جرائم پیشہ عناصرکسی رعایت کے مستحق نہیں۔جرائم پرموثرکنٹرول کیلئے پولیس تمام تردستیاب وسائل بروئے کارلارہی ہے۔انہوںننے کہا کہ عوام کے تعاون سے پولیس اچھی کارکردگی کا مظاہرہ کررہی ہے جبکہ جرائم پرقابوپانے کیلئے عوام کا تعاون بہت ضروری ہے۔