تحریک انصاف آئندہ عام انتخاب میں پاکستان کی سب سے بڑی قوت بن کر سامنے آئے گی، دیوان عظمت چشتی

ہفتہ 19 مئی 2018 19:28

پاکپتن۔19 مئی(اُردو پوائنٹ اخبارتازہ ترین - اے پی پی۔ 19 مئی2018ء) تحریک انصاف کے رہنما ،سابق تحصیل ناظم دیوان عظمت چشتی نے کہا ہے کہ تحریک انصاف نے عوام کے اندر اپنے حقوق کی آگاہی پیدا کر کے ملک میں نئی تاریخ رقم کی ہے، تحریک انصاف آئندہ عام انتخاب میں پاکستان کی سب سے بڑی قوت بن کر سامنے آئے گی، عمران خان کے دو ٹوک موقف نے عوام میں بہت پذیرائی حاصل کی ہے تحریک انصاف نے ان پانچ سالوں میں بھرپور اپوزیشن کا کردار ادا کیا اور بڑی کامیابی حاصل کیں،عوام عمران خان کی قیادت پرمتفق ہیں،2018 کے الیکشن میں پاکستان تحریک انصاف کے جیت ہو گی۔