لیہ،سی ٹی ڈی اورپولیس کاسرچ آپریشن ،دوافرادسے اسلحہ برآمد،مقدمہ درج

منگل 29 مئی 2018 23:45

لیہ۔ 29مئی(اُردو پوائنٹ اخبارتازہ ترین - اے پی پی۔ 29 مئی2018ء) ڈسٹرکٹ پولیس آفسر لیہ ناصر مختار راجپوت کی ہدایت پرڈی ایس پی سرکل کروڑ کی زیر نگرانی ،ایس ایچ او تھانہ کروڑ کاگزشتہ روز بھاری نفری کے ہمراہ سر چ آپریشن ،مشکوک اشخا ص کی بائیو میٹرک تصدیق ،سر چ آپریشن میں مقامی پولیس ،سکیورٹی برانچ ،سپیشل برانچ اور سی ٹی ڈی نے شرکت کی ۔تر جمان لیہ پولیس کے مطابق ڈی پی او لیہ ناصر مختار راجپوت کی ہدایت ڈی ایس پی سرکل کروڑ بشیر حسین کی زیر نگرانی ایس ایچ او کروڑ سب انسپکٹر امتیاز کھتران نے بھاری نفری کے ہمراہ گزشتہ روز سر چ آپریشن کیا ،جس میں مقامی پولیس، ایلیٹ فورس ،سی ٹی ڈی ،سپیشل برانچ اور سکیورٹی برانچ کے افسران و اہلکاران نے شرکت کی۔

(جاری ہے)

سر چ آپریشن علاقہ تھانہ کروڑ میں کیا گیا ، دوران سر چ آپریشن 50مشکوک اشخاص کی بائیو میٹرک تصدیق کی گئی جنہیں تصدیق کے بعد رخصت کیا گیا ،جبکہ 40 گھروں کی تلاشی لی گئی ،دوران سرچ آپریشن دو کس افراد کے قبضہ سے ایک عدد خنجر ،پسٹل 30بور کی میگزین اور05عدد زندہ رائوند برا ٓمد ہوئے ،جس ملزمان کو گرفتار کرکے تھانہ کروڑ میں مقدمات درج کر لیے گئے ہیں ، موقع پر ڈی ایس پی کروڑ بشیر حسین نے گفتگو کرتے ہوئے کہا کہ ماہ رمضان میں امن کے قیام اور کسی بھی ناخوشگوار واقع سے بچنے کے لئے سر چ و کومبنگ آپریشن کیا گیا۔