پاکستان ہاکی فیڈریشن کو 35لاکھ روپے کی سالانہ گرانٹ جاری کر دی گئی ،ْ

جمعرات 31 مئی 2018 14:50

اسلام آباد (اُردو پوائنٹ اخبارتازہ ترین - این این آئی۔ 31 مئی2018ء) پاکستان ہاکی فیڈریشن کو 35لاکھ روپے کی سالانہ گرانٹ جاری کر دی گئی جس کے بعد غیر ملکی کوچ کو تنخواہ کی ادائیگی کیلئے فیڈریشن نے سکھ کا سانس لے لیا ۔

(جاری ہے)

تفصیلات کے مطابق پاکستان ہاکی فیڈریشن کے سیکرٹری شہباز سینئر نے پاکستان سپورٹس بورڈ سے تحریری طور پر درخواست کی تھی کہ ہاکی فیڈریشن کو اپنے معاملات چلانے کیلئے سالانہ 35لاکھ روپے کی گرانٹ فوری جاری کی جائے جس پر وفاقی حکومت کی جانب سے پاکستان سپورٹس بورڈ کو بجٹ کا تیسرا کوارٹر ملنے پر پی ایس بی نے ہاکی فیڈریشن کو گرانٹ جاری کر دی ۔

اس ضمن میں پاکستان سپورٹس بورڈ کے ڈپٹی ڈائریکٹر جنرل ٹیکنیکل اعظم ڈار نے تصدیق کی کہ وفاقی حکومت کی جانب سے بجٹ ملتے ہوئے سپورٹس بورڈ نے ہاکی فیڈریشن کو سالانہ گرانٹ جاری کر دی ہے ۔