الیکشن بروقت اور شفاف ہونگے ،ْ نگراں وزیراعظم

جمعہ جون 14:36

الیکشن بروقت اور شفاف ہونگے ،ْ نگراں وزیراعظم
اسلام آباد (اُردو پوائنٹ اخبارتازہ ترین۔ 01 جون2018ء) نگراں وزیراعظم جسٹس(ر)ناصرالملک نے کہا ہے کہ جس کام کیلئے آئے ہیں اپنی وہ ذمے داری پوری کریں گے۔نگراں وزیراعظم جسٹس(ر)ناصرالملک نے عہدہ سنبھالنے کے بعد میڈیا نمائندوں سے مختصر گفتگو کرتے ہوئے کہا کہ میرے الفاظ یادرکھیں کہ انتخابات مقررہ وقت پر ہونگے ،ْالیکشن کمیشن کی مدد کی جائیگی تاکہ بروقت شفاف انتخابات کرائے جاسکیں۔

(جاری ہے)

انہوں نے کہا کہ کابینہ مختصر رکھوں گا جس کا اعلان صلاح مشورے کے بعدکیاجائے گا۔اس سے قبل نگراں وزیراعظم جسٹس ریٹائرڈ ناصرالملک نے اپنے عہدے کا حلف اٹھایا، ایوان صدر اسلام آباد میں نگراں وزیر اعظم کی تقریب حلف برداری منعقد ہوئی۔۔صدر مملکت ممنون حسین نے نگراں وزیر اعظم جسٹس ریٹائرڈ ناصر الملک سے ان کے عہدے کا حلف لیا جس کے بعد انہیں گارڈ آف آنر دیا گیا۔