بالی وڈ اداکارہ جیکلین فرنینڈیز سلمان خان کے ساتھ ریس تھری میں دھوم مچاتی نظر آئیں گی

ہفتہ 9 جون 2018 12:03

ممبئی (اُردو پوائنٹ اخبارتازہ ترین - این این آئی۔ 09 جون2018ء) بالی وڈ اداکارہ جیکلین فرنینڈیز سلمان خان کے ساتھ فلم ریس تھری میں دھوم مچاتی نظر آئیں گی ۔ دراصل سلمان کے ساتھ فلم کک کے بعد سے جیکلین کے فلمی کریئر کو جو بلندی ملی ہے اس کا آئیڈیا جیکلین کو بھی ہے ،ْ اسی لیے وہ ہر جگہ سلمان کے گن گاتے نہیں تھکتیں۔

(جاری ہے)

جیکلین فرنینڈنے کہا کہ جب سے وہ انڈیا آئی ہیں سلمان ان کا سب سے بڑا سہارا رہے ہیں اور ان کیلئے انکی فیملی کی طرح ہیں۔ ریس تھری میں سلمان اور جیکلین کے ساتھ انل کپور، ثاقب سلیم، ڈیزی شاہ اور ان سب سے بڑھ کر بوبی دیول ہیں جو کافی عرصے کے بریک کے بعد بڑے پردے پر نظر آئیں گے۔ فی الحال تو وہ بھی جیکلین کی طرح سلمان کے گٴْن گاتے نظر آ رہے ہیں۔