اسلام آباد، چھترپارک تعطیلات کے دوران جڑواں شہروں سے سیرو تفریح کے لئے آنے والوں کی توجہ کا مرکز بننے لگا

پیر 25 جون 2018 21:55

اسلام آباد ۔ (اُردو پوائنٹ اخبارتازہ ترین - اے پی پی۔ 25 جون2018ء) وفاقی دارالحکومت اسلام آباد کا چھترپارک تعطیلات کے دوران جڑواں شہروں سے سیرو تفریح کے لئے آنے والوں کی توجہ کا مرکز بننے لگا،عید الفطر اور گزشتہ ہفتہ وار تعطیلات کے دوران بڑی تعداد میں شہریوں نے اپنے اہل خانہ کے ہمراہ چھتر پارک کا رخ کیا ۔

(جاری ہے)

12.5کلومیٹر رقبہ پر محیط مری کے پہاڑوں کی راہ میں آنے والا یہ تفریحی پارک اپنی خوبصورتی کے اعتبار سے اسلام آباد کی ایک سرسبزو شاداب سیر گاہ ہے جس میں بچوں اور بڑوں کیتفریح کی سہولیات موجود ہیں۔

ماضی میں پارک کی مناسب دیکھ بھال نہ ہونے کہ وجہ سے پارک اپنی افادیت کھو بیٹھا تھا لیکن عید الفظر کے موقع پر میٹروپولیٹین کارپوریشن کے خصوصی انتظامات کی وجہ سے شہریوں کی بڑی تعداد نے اس سیر گاہ کا رخ کیا اور چھتر پارک سمیت شہر کے دیگر تفریحی مقامات سیاحوں کی بھر پور توجہ کا مرکز رہے۔