شہریوں کو رضاکارانہ ٹیکس ایمنسٹی سکیم سے بھر پور فائدہ اٹھانا چاہیے،
اینٹی منی لانڈرنگ قوانین کے تحت آئندہ پاکستانیوں کیلئے غیر ممالک میں سرمایہ رکھنا ممکن نہیں ہوگا دبئی حکام نے رئیل اسٹیٹ میں سرمایہ کاری کرنے والے پاکستانیوں کی تفصیلات فراہم کر دی ہیں، 85 فیصد رئیل اسٹیٹ سیکٹر کی ڈیٹا میپنگ مکمل کر لی، جو لوگ موجودہ سکیم سے فائدہ نہیں اٹھائیں گے ان سے ضرور پوچھ گچھ ہو گی، چیئر مین ایف بی آر
منگل 26 جون 2018 16:08
(جاری ہے)
انہوں نے بتایا کہ یکم ستمبر 2018 ء سے یہ کثیر الجہتی کنونشن مو ثر ہو جائیگا جس کے تحت پاکستان سمیت 102 ممالک ایک دوسرے کو غیر ملکی سرما یہ بارے اطلاعات فراہم کرنے کے پابند ہوں گے ۔
انہوں نے کہا کہ اگر یہ لوگ اب سرمایہ واپس پاکستان لے آئیں گے تو ان کو فائدہ ہوگا ورنہ دوسرے ملک میں ان کو اپنے سرما ئے اور اثاثوں پر پورا ٹیکس دینا پڑے گا جبکہ ان کیخلاف مجرمانہ فعل کے مرتکب ہونے کی کارروائی بھی ہو سکے گی۔ انہوں نے بتایا کہ دبئی نے رئیل اسٹیٹ میں سرمایہ کاری کرنے والے پاکستانیوں کی تفصیلات فراہم کر دی ہیں لہٰذا اگر ان میں سے کسی نے اپنے سرمایے کو اب جائز نہ کرایا تو پھر ان کیخلاف مروجہ قوانین کے تحت کارروائی ہوگی۔ انہوں نے کہا کہ غیر ملکی سرمائے اور اثاثوں پر 2 سے 5 فیصد کو ٹیکس یا جرمانہ نہ سمجھا جائے بلکہ اس کو ذہنی سکون کا ذریعہ سمجھیں تاکہ وہ کھل کر کاروبار کر سکیں۔ ڈومیسٹک سکیم کے بارے میں انہوں نے کہا کہ یہاں زیادہ تر سرمایہ رئیل اسٹیٹ میں چھپایا گیا ہے، بے نامی اکائونٹس کے بارے میں چیئرمین نے کہا کہ بھائی بہن یا رشتے داروں کے نام پر رکھے گئے سرمائے کو بھی ڈکلیئر کیا جا سکتا ہے بشرطیکہ ان کے بھائی یا رشتہ دار کو اعتراض نہ ہو۔ انہوں نے وضاحت کی کہ اس سکیم کے تحت فراہم کی جانے والی معلومات راز میں رہیں گی اور انہیں کسی ادارہ کو مہیا نہیں کیا جا سکے گا۔ سرکاری ادروں کے آفس ہولڈرزسرمایہ کاروںکے اس سکیم سے فائدہ اٹھانے بارے سوال کے جواب میں انہوں نے بتایا کہ فنانس بل میں اس کی وضاحت کر دی گئی ہے اور وہ بھی اس سکیم سے فائدہ اٹھا سکتے ہیں۔ چیئرمین طارق محمود پاشا نے بتایا کہ اس سکیم کی وسیع پیمانے پر تشہیر کی جا رہی ہے وہ خود مختلف شہروں میں جا کر اس سکیم کی وضاحت کر رہے ہیں جبکہ اس سکیم بارے تفصیلات دفتر خارجہ اور غیر ملکی سفارتحانوں کو بھی بھجوائی جا رہی ہیں تا کہ وہ ان ملکوں میں سرمایہ یا اثاثے رکھنے والوں کو اس سکیم کی افادیت سے آگاہ کر سکیں۔ ایک اور سوال کے جواب میں انہوں نے کہا کہ اس سکیم کا مقصد ملکی معیشت کو بحران سے نکالنا ہے اس لئے غیر ملکی سرمائے اور اثاثوں پر ٹیکس ڈالر میں ادا کرنا ہوگا۔ انہوں نے کہا کہ حکومت نے غیر ملکی اثاثوں پر ٹیکس کی ادائیگی کو مقامی مارکیٹ سے ڈالر خرید کر ادائیگی کرنے کی حوصلہ شکنی کیلئے بھی ضروری اقدامات کئے ہیں جبکہ سٹیٹ بینک نے ٹیکس کی ادائیگی کیلئے ڈالر بانڈ جاری کئے ہیں، ان کو ایک سال بعد تین فیصد منافع پر کیش کرایا جا سکے گا۔ 2014ء ڈی کے تحت آڈٹ کے بارے میں انہوں نے بتایا کہ اس کی مدت چند روز رہ گئی ہے جس کے بعد کسی بھی ٹیکس گزار کا آڈٹ تین سال میں صرف ایک بار ہوگا۔ ان کا کہنا تھا کہ پہلے سال زیر التواء کیسوں کو نمٹایا جائیگا جبکہ آئندہ سالوں میں ان کی تعداد میں بتدریج کمی ہوگی کیونکہ نئے آڈٹ کیسوں میں اضافہ نہیں ہوگا۔ ٹیکس ایمنسٹی سکیم سے ہٹ کر دیگر مسائل کے حل کیلئے انہوں نے متعلقہ شعبہ کے لوگوں کو اسلام آباد آنے کی دعوت دی تا کہ ان کے مسائل پر تفصیلی گفتگو ہو سکے تاہم انہوں نے کہا کہ بجٹ سے متعلقہ مسائل کو آئندہ سال جون تک ملتوی نہ کیا جائے ان پر ابھی سے مثبت تجاویز دی جائیں تا کہ ایف بی آر ان پر ضروری کارروائی کرکے ان تجاویز کو حتمی شکل دے سکے۔مزید تجارتی خبریں
-
گزشتہ 3 دنوں سے جاری 3 فیصد کریکشن کے بعد پاکستان اسٹاک مارکیٹ سے مندی کے بادل چھٹ گئے اور جمعہ کو زبردست تیزی کا رجحان غالب آگیا جس کی وجہ سے مارکیٹ ایک بار پھرنہ
-
انٹر بینک میں روپے کے مقابلے ڈالر مہنگا ہو گیا تاہم اوپن مارکیٹ میں ڈالر کی قدر گھٹ گئی
-
ملکی صرافہ مارکیٹوں میں سونے کی قیمتوں میں کمی
-
پاکستان سٹاک ایکسچینج میں کاروباری ہفتہ کے اختتام پر تیزی کارحجان، انڈکس 1244.45 پوائنٹس(1.76فیصد) اضافہ کے بعد71902.09 پوائنٹس پربند
-
امریکی ڈالرکے مقابلہ میں پاکستانی کرنسی کی قدرمیں 10 پیسے اضافہ
-
ملک میں جمعہ کو سونے کی فی تولہ قیمت میں 1400 روپے کی کمی ہوئی
-
برائیلرگوشت کی قیمت میں17 روپے فی کلو اضافہ
-
100اور1500مالیت کے بانڈز کی قرعہ اندازی 15مئی کو ہو گی
-
سرگودہا، 1500روپے والے قومی انعامی بانڈز کی قرعہ اندازی 15مئی کوہوگی
-
عالمی اورمقامی مارکیٹوں میں سونے کی قیمت کم ہو گئی
-
برائلر گوشت کی قیمت میں17روپے اضافہ
-
امریکی ڈالرکے مقابلے میں روپے کی قدر میں اضافہ ریکارڈ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.