ایپلٹ ٹر بیونل نے پی ٹی آئی بلوچستان کے صدر یار محمد رند کی اپیل مسترد کر دی

سردار یار محمد رند کا فیصلے کو بلوچستان ہائی کورٹ میں چیلنج کرنے کا فیصلہ

منگل 26 جون 2018 16:15

کوئٹہ (اُردو پوائنٹ اخبارتازہ ترین - آئی این پی۔ 26 جون2018ء) ایپلٹ ٹر بیونل نے پی ٹی آئی بلوچستان کے صدر یار محمد رند کی اپیل مسترد کر دی ، اپیل مسترد ہونے کے بعد یار محمد رند الیکشن کی دوڑ سے باہر۔

(جاری ہے)

تفصیلات کے مطابق ایپلٹ ٹربیونل میں دائر ہونے والی اپیلوں کی سماعت کے دوران ٹربیونل نے پی ٹی آئی بلوچستان کے صدر یار محمد رند کی اپیل مسترد کر دی ہے جس کے بعد وہ الیکشن2018 کی دوڑ سے باہر ہو گئے ہیں ،پی ٹی آئی بلوچستان کے صدر یار محمد رند پر ان کے مخالف امیدوار نے کاغذات نامزدگی کی جانچ پڑتال کے دوران ان کے تعلیمی اسناد میں تضاداور قتل کے مقدمات کی وجہ سے اعتراضات اٹھائے تھے جس پر جانچ پڑتال کے بعد رئٹرننگ آفیسر نے ان کے کاغذات مسترد کر دئیے تھے۔

سرداریار محمد رند نے اس فیصلے کے خلاف ایپلٹ ٹری بیونل میں درخواست دائر کر رکھی تھی جس پرفیصلہ سناتے ہوئے ایپلٹ ٹر بیونل نے رئٹرنگ آفیسر کا فیصلہ برقرار رکھتے ہوئے سردار یار محمد رند کی اپیل مسترد کر دی ،سردار یار محمد رند کی جانب سے اس فیصلے کو اب بلوچستان ہائی کورٹ میں چیلنج کرنے کا فیصلہ کیا گیا ہے۔