برطانوی میڈیا میں آنے والی پراپرٹیز شریف فیملی کی نہیں،حسین نواز

نیب کی انٹرپول کے ذریعے گرفتاریوں کی بات کی کوئی حیثیت نہیں،نیب انٹرپول کے ذریعے جوکرناچاہتا ہے کرلے، والدہ کی حالت پہلے سے زیادہ تشویشناک ہے،حسین نوازکی صحافیوں سے غیر رسمی گفتگو

منگل 26 جون 2018 17:43

برطانوی میڈیا میں آنے والی پراپرٹیز شریف فیملی کی نہیں،حسین نواز

لندن (اُردو پوائنٹ اخبارتازہ ترین - آئی این پی۔ 26 جون2018ء) پاکستان مسلم لیگ (ن) کے قائد سابق وزیراعظم نوازشریف کے صاحبزادے حسین نواز نے کہا ہے کہ برطانوی میڈیاکے ذریعے سامنے آنے والی پراپرٹیز شریف فیملی کی ملکیت نہیں،نیب کی انٹرپول کے ذریعے گرفتاریوں کی بات کی کوئی حیثیت نہیں،نیب انٹرپول کے ذریعے جوکرناچاہتا ہے کرلے، والدہ کی حالت پہلے سے زیادہ تشویشناک ہے۔

(جاری ہے)

لندن میں صحافیوں سے غیر رسمی گفتگو میں حسین نواز نے کہا کہ برطانوی اخبار کے دعوے کا جواب مناسب فورم پر دیا جارہا ہے ۔انہوں نے مزید کہا کہ برطانوی اخبار کے ذریعے سے سامنے آنے والی تمام پراپرٹیز کا کاروبار حسن نواز نے کیا تھا،اب وہ بھی ان کی ملکیت نہیں۔حسین نواز نے کہا کہ نیب کی انٹرپول کے ذریعے گرفتاریوں کی بات کی کوئی حیثیت نہیں، برطانیہ میں قانون کی حکمرانی ہے،یہاں غیرقانونی اقدامات ممکن نہیں،نیب انٹرپول کے ذریعے جوکرناچاہتا ہے کرلے۔ والدہ کی حالت پہلے سے زیادہ تشویشناک ہے، ڈاکٹروں نے بیہوشی کی دوابڑھا دی ہے،آج وینٹی لیٹر ہٹانے کا فیصلہ بھی موخر کردیا گیا ۔