ریٹرننگ آفسر نے عمران خان کا پارٹی ٹکٹ اعتراض لگا کر واپس کر دیا

ٹکٹ کے ساتھ پارٹی وابستگی کا حلف نامہ جمع کروانا بھی ضروری ہے ،ْریٹرننگ آفسر

جمعرات 28 جون 2018 23:32

اسلام آباد (اُردو پوائنٹ اخبارتازہ ترین - این این آئی۔ 28 جون2018ء) حلقہ این اے 53کے ریٹرنگ آفیسر ایڈیشنل ڈسٹرکٹ اینڈ سیشن جج عدنان حیدر نے پاکستان تحریک انصاف کے چیئرمین عمران خان کا پارٹی ٹکٹ اعتراض لگا کر واپس کر دیا۔

(جاری ہے)

میڈیا رپورٹ کے مطابق جمعرات کو حلقہ این اے 53 سے عمران خان کا ٹکٹ جمع کروانے کے لیے علی اعوان ریٹرنگ آفیسر کے روبرو پیش ہوئے جس پر ریٹرنگ آفیسر نے اعتراض کے ساتھ ٹکٹ واپس کر دیا ۔ریٹرنگ آفیسر نے حکم دیا کہ ٹکٹ کے ساتھ پارٹی وابستگی کا حلف نامہ جمع کروانا بھی ضروری ہے ، پارٹی کی طرف سے امیدوار کو ٹکٹ جاری کرنے کا حلف نامہ جمع کروائیں ۔اس موقع پر علی اعوان نے این اے 53 سے اپنے کاغذات نامزدگی واپس لے لیے ہیں ۔