دعا مسلمان انسان کیلئے قرب الٰہی کا وسیلہ کااہم ذریعہ ہے‘ڈاکٹرراغب نعیمی

والدین کی دٴْعائیں اولاد کے حق میں تیزی کے ساتھ اثر کرتی ہیں‘ناظم اعلیٰ دارالعلوم جامعہ نعیمیہ

جمعہ 29 جون 2018 17:35

لاہور (اُردو پوائنٹ اخبارتازہ ترین - این این آئی۔ 29 جون2018ء)جامعہ نعیمیہ کے ناظم اعلیٰ وممبر اسلامی نظریاتی کونسل علامہ ڈاکٹرمحمدراغب حسین نعیمی نے کہاہے کہ دعا مسلمان انسان کیلئے قرب الٰہی کا وسیلہ کااہم ذریعہ ہے،والدین کی دٴْعائیں اولاد کے حق میں تیزی کے ساتھ اثر کرتی ہیں ۔ دعا مظہر عبدیت اور ایک اہم عبادت ،مضطرب قلوب کے لئے سامان سکون، گمراہوں کے لئے وسیلہ ہدایت اور گناہگاروں کے لئے اللہ کی بخشش ومغفرت کی بادِ بہار ہے،ہمیں دٴْعا میں ہرگز کاہلی وسستی نہیں کرنی چاہئے،دعا کرنے والے کی غذا اور لباس حلال کمائی سے ہوناضروری ہے،والدین کی دٴْعائیں اولاد کے حق میں تیزی کے ساتھ اثر کرتی ہیں،لہذا ہمیشہ ان کی دٴْعائیں لیتے رہنا چاہئے اور اٴْن کی بددعا سے ہمیشہ بچنا چاہئے والدین اپنی جان مال اور اولاد کے لئے بددعا نہ کرے، ممکن ہے کہ قبولیت کی ساعت میں یہ بددعا نکلے اور بعد قبولیت پشیمانی اٹھانی پڑے۔

(جاری ہے)

ان خیالات کااظہار انہوں نے گزشتہ روزجمعة المبارک کے اجتماع سے خطاب کرتے ہوئے کیا۔انہوں نے مزید کہاکہ شریعت کی اصطلاح میں اللہ تعالیٰ کے حضور التجا اور درخواست کرنے کو دعا کہتے ہیں۔ انسان کی فطرت میں ہے کہ وہ مشکلات اور پریشانیوں میں اللہ تعالیٰ کو پکارتا ہے،حضور اکرم صلی اللہ علیہ وسلم نے دعا کو عبادت کی روح قرار دیا ہے،دعا عبادت کی روح اور اس کا مغز ہے دعا آفات سے بھی حفاظت کا ذریعہ ہے ،انسانوں کے اعمال میں دٴْعا ہی کو اللہ تعالیٰ کی رحمت وعنایت کوکھینچنے کی سب سے زیادہ طاقت ہے۔

دعا غموں اور مصیبتوں کو دور کرنے کا عظیم ترین ذریعہ ووسیلہ ہے دعا قربت الہٰی کا وہ وسیلہ ہے جس سے بڑھ کر کوئی دوسرا وسیلہ نہیں،دعاخالق ومخلوق کے درمیان کا وہ پل ہے جو خالق سے مخلوق کو سید ھا جوڑ دیتا ہے دعاعافیت الہٰی کاسبب بھی ہے،نیز اللہ کے نیک بندوں ،اولیاء سے کی دعائیں بھی پراثر ہوتی ہیں خواہ زندہ ہوں یا وصال کرچکے ہوں ۔دعا فضائل وبرکات کے حصول کا وہ ذریعہ ہے جو تقدیر بھی بدل ڈالتا ہے۔

Facebook Twitter Google + Share on Whatsapp

دعا مسلمان انسان کیلئے قرب الٰہی کا وسیلہ کااہم ذریعہ ہے‘ڈاکٹرراغب نعیمی

والدین کی دٴْعائیں اولاد کے حق میں تیزی کے ساتھ اثر کرتی ہیں‘ناظم اعلیٰ دارالعلوم جامعہ نعیمیہ

مزید قومی خبریں