مریم نواز کیخلاف نامناسب زبان استعمال کرنیوالا شہری رہا

منگل 15 جولائی 2025 21:07

مریم نواز کیخلاف نامناسب زبان استعمال کرنیوالا شہری رہا
لاہور (اُردو پوائنٹ اخبارتازہ ترین - این این آئی۔ 15 جولائی2025ء) عدالت نے وزیر اعلیٰ پنجاب مریم نواز شریف کے خلاف نامناسب زبان استعمال کرنے والے بزرگ شہری کو مقدمے سے ڈسچارج کر کے رہا کروا دیا ۔

(جاری ہے)

ماڈل ٹائون کچہری لاہور میں جوڈیشل مجسٹریٹ نے ساجد نامی بزرگ شہری کی جانب سے وزیراعلی پنجاب مریم نواز کے خلاف نامناسب زبان استعمال کرنے کے معاملے پر پولیس کی درخواست پر سماعت کی ۔سماعت کے موقع پر پولیس نے بزرگ شہری کو گرفتار کرکے ماڈل ٹائون کچہری میں پیش کیا۔عدالت نے بزرگ شہری ساجد کو مقدمے سے ڈسچارج کردیا۔عدالت کے حکم پر پولیس نے بزرگ شہری کی ہتھکڑیاں کھول کر رہا کردیا ۔ واضح رہے کہ ساجد نامی شہری کے خلاف تھانہ گرین ٹائون پولیس نے مقدمہ درج کیا تھا۔