وزیراعلیٰ پنجاب کا ویژن ڈرگ فری پنجاب ، 5 ملزمان گرفتار، 9 کلو سے زائد چرس برآمد

منگل 15 جولائی 2025 21:24

راولپنڈی(اُردو پوائنٹ اخبارتازہ ترین - این این آئی۔ 15 جولائی2025ء)وزیر اعلیٰ پنجاب کا ویژن ڈرگ فری پنجاب،راولپنڈی پولیس نے 5 ملزمان گرفتارکرکے 9 کلو سے زائد چرس برآمدکرلی۔

(جاری ہے)

تفصیلات کے مطابق وارث خان پولیس نے دو ملزمان کوگرفتارکرکے 3 کلو 570 گرام چرس برآمد کی،آر اے بازار پولیس نے ایک ملزم کوگرفتارکرکے 2 کلو 400 گرام چرس برآمد کی، مندرہ پولیس نے ایک ملزم کوگرفتارکرکے 1 کلو 632 گرام چرس برآمد کی،چکلالہ پولیس نے ایک ملزم کوگرفتارکرکے 1 کلو 600 گرام چرس برآمد کی،ملزمان کیخلاف الگ الگ مقدمات درج کر لیے گئے۔ سی پی او سید خالد ہمدانی نے کہا کہ منشیات کے ناسور کے خاتمے کے لیے تمام اقدامات کیے جا رہے ہیں۔