خیبرپختونخوا ایمپلائیز سوشل سیکیورٹی انسٹی ٹیوٹ کے مرکزی دفترواقع کوہاٹ روڈ پشاور کادورہ

جمعہ 29 جون 2018 18:24

پشاور(اُردو پوائنٹ اخبارتازہ ترین - این این آئی۔ 29 جون2018ء) خیبرپختونخوا کے نگران وزیرمحنت ،مال ویکسائز وٹیکسیشن مقدس اللہ نے خیبرپختونخوا ایمپلائیز سوشل سیکیورٹی انسٹی ٹیوٹ کے مرکزی دفترواقع کوہاٹ روڈ پشاور کادورہ کیا۔ ڈائریکٹر جنرل محمد انور خان، ڈپٹی ڈائریکٹر ورکس آصف مجید، ڈائریکٹر زوڈپٹی ڈائریکٹرز بھی اس موقع پر موجودتھے۔ نگران وزیر ادارے کے پولی کلینک بلڈنگ ،فیمیل ومیل وارڈز اورمیڈیکل سٹور بھی گئے۔

جہاں انہوں نے طبی سہولیات اورمریضوں کی خیرت دریافت کی۔ نگران وزیر کو سوشل سیکیورٹی ادارے کی کارکردگی کے باے میں تفصیلی بریفنگ دیتے ہوئے کہاگیا کہ ادارہ ملازمین اوران کے اہل وعیال کومفت طبی سہولیات فراہم کررہی ہے جبکہ پیچیدہ امراض کے دوران ادارہ صوبے کے دیگر بڑے ہسپتالوں میںطبی سہولیات کابوجھ اٹھارہی ہے ۔

(جاری ہے)

نگران وزیر کو برن ٹراما سنٹر، بونیر اورملاکنڈ میں طبی سنٹرز اورسوشل سیکیورٹی ایکٹ ،ملازمین کے سروس رولز، مختلف اضلاع میں جاری ونئے ترقیاتی سکیموں کے بارے میںبھی بتایا گیا۔

نگران وزیر نے ای ایس ایس آئی کے ملازمین کی فلاح وبہبود اوربروقت طبی سہولیات کی فراہمی کو انتہائی قابل ستائش قرار دیتے ہوئے اپنے مختصر دورانیے میںادارے اورملازمین کی مزید ترقی کے لئے اپنے مکمل تعاون کی یقین دہائی کرائی ۔انہوں نے کہا کہ یہ ا دارہ طب سے وابستہ ہے اور انسانیت کی فلاح وبہبود کے لئے گراں قدر خدمات انجام دے رہاہے ۔