کراچی سے راولپنڈی جانیوالا ٹرین مسافر ریلوے اسٹیشن پر ہارٹ اٹیک سے چل بسا

پیر 23 جولائی 2018 20:14

فیصل آباد(اُردو پوائنٹ اخبارتازہ ترین - آن لائن۔ 23 جولائی2018ء) کراچی سے راولپنڈی جانیوالا ٹرین مسافر ریلوے اسٹیشن پر ہارٹ اٹیک سے چل بسا‘تفصیلات کے مطابق کراچی کے علاقہ محلہ نیو سعید آباد بلدیہ ٹائون غربی کارہائشی پنتالیس سالہ عثمان غنی غوری اپنی بیوی بچوں کیساتھ کراچی سے راولپنڈی جانے کیلئے پاکستان ایکسپریس میں سوار تھا کہ اسٹیشن پر گاڑی رکنے پر فیملی کیلئے پانی لینے ریلوے لائن عبور کررہا تھا کہ گزرنے والے دوسری گاڑی کے انجن سے خوفزدہ ہو کر چل بسا جسے ریسکیو ٹیم نے طبی امداد کیلئے سول ہسپتال منتقل کیا جہاں ڈاکٹروں نے ہارٹ اٹیک سے اسکی موت کی تصدیق کی فیملی کے مطابق متوفی دل کا مریض تھا ۔