نگران وزیراعلیٰ سے وزیر صحت کی ملاقات ،صحت عامہ کے منصوبوں،انسداد ڈینگی،پولیو اور کانگو کے اقدامات پر تبادلہ خیال
انسداد ڈینگی،پولیو اورکانگو کی روک تھام کیلئے وضع کردہ پلان پر عملدر آمد یقینی بنانے کی ہدایت، متعلقہ محکمے اورادارے فعال اورمتحرک انداز میں کردارادا کریں ،حکام اورعملہ پیشہ وارانہ انداز میں فرائض سرانجام دے عیدالاضحی کے پیش نظر کانگو وئراس سے بچاو کیلئے حفاظتی اقدامات کئے جائیں،عالمی ادارہ صحت کی احتیاطی تدابیر پر عملدرآمد یقینی بنایا جائے ہسپتالوں میںجدید سہولتوںتک رسائی عوام کا بنیادی حق ، مریضوں کے مفت علاج کیلئے فنڈز دیناحکومت کا فرض ہے‘ڈاکٹر حسن عسکری
پیر 6 اگست 2018 17:45
(جاری ہے)
نگران وزیراعلیٰ کہا کہ ڈینگی،پولیو اور کانگو وائرس کی روک تھام کیلئے بھرپور توجہ دی جائے اور اس مقصد کیلئے تمام ضروری وسائل بروئے کار لائے جائیں۔
انہوں نے کہا کہ پولیو سے پاک پاکستان ہم سب کا مشن ہے، لہٰذا انسدادپولیو مہم کو کامیاب بنایا جائے کیونکہ انسداد پولیو مہم کی کامیابی بچوں کے صحت مند مستقبل کی ضمانت ہے۔ انہوںنے کہا کہ پاکستان کو پولیو فری خطہ بنانے کیلئے کوئی کسر اٹھا نہ رکھی جائے گی اور پنجاب حکومت پوری سنجیدگی کیساتھ پولیو کے تدارک کیلئے دن رات کام کر رہی ہے۔ انہوں نے کہاکہ بروقت ویکسی نیشن کے ذریعے بچوں کو اس موزی مرض سے بچایا جا سکتا ہے۔ پولیو کے خاتمے کیلئے موثر اقدامات کا تسلسل معاشرے کی اجتماعی ذمہ داری ہے اور پولیو مہم کو کامیاب بنانے کیلئے مساجد، دینی مدارس،سکولوں اور متعلقہ اداروں کو ملکر کام کرنا ہو گا۔انہوںنے کہاکہ پولیو جیسے موذی مرض کے خاتمے کیلئے محکمہ صحت اور متعلقہ اداروں کو بھر پور کردار ادا کرنا ہے۔انہوں نے والدین سے اپیل کی کہ وہ پولیو کے مرض کے خاتمے کیلئے حکومتی کوششوں کا حصہ بنیں ۔وزیراعلیٰ نے ہدایت کی کہ عیدالاضحی کی آمد کے پیش نظر کانگو وئراس سے بچاو کیلئے حفاظتی اقدامات کئے جائیں اور متعلقہ محکمے کانگو وائرس سے بچائو کیلئے وضع کردہ پلان پر عملدرآمد یقینی بنائیں۔ انہوں نے کہا کہ عوام کو کانگو وائرس سے محفوظ رکھنے کیلئے ہنگامی بنیادوں پر ہر ممکن اقدام اٹھایا جائے اور جہاں بھی کانگو وائرس پھیلنے کا خدشہ ہو وہاں فی الفور تمام احتیاطی اقدامات کئے جائیں اور مویشی منڈیوں کی خصوصی سکریننگ کرتے ہوئے جراثیم کش سپرے کیا جائے اور عالمی ادارہ صحت کی وضع کردہ احتیاطی تدابیر پر عملدرآمد کو ہر قیمت پر یقینی بنایا جائے ۔ وزیراعلیٰ نے کہا کہ محکمہ صحت اور لائیوسٹاک احتیاطی تدابیر اور وائرس سے بچائو کے حوالے سے ہر ممکن اقدامات کریں۔انہوںنے کہا کہ ڈینگی سرویلنس کا کام تیز کیا جائے اور ڈینگی کے مرض سے نمٹنے کیلئے متعلقہ ادارے پوری طر ح چوکس ہو کر فرائض سرانجام دیں۔ ڈینگی کے مرض کے روک تھام کیلئے وضع کردہ پلان پر عملدرآمد کے حوالے سے کوئی کوتاہی یا غفلت برداشت نہیں کی جائے گی۔ انہوںنے کہا کہ ہسپتالوں میں صحت عامہ کی بروقت اور جدید سہولتوں کی فراہمی عوام کا بنیادی حق ہے کیونکہ عوام کوصحت کی بنیادی سہولتوں کی فراہمی سے ہی صحت مند معاشرہ تشکیل دیاجاسکتا ہے۔ نگران حکومت نے ہیلتھ کیئر کے جاری منصوبوں کی جلد تکمیل کیلئے ترجیحی بنیادوں پر اقدامات کئے ہیں۔صحت عامہ کی معیاری سہولتیں فراہم کرنا ریاست کی بنیادی ذمہ داری ہے۔ عام آدمی کو صحت کی معیاری سہولتوں کی فراہمی کیلئے متعلقہ حکام کو بھی فعال اور متحرک کردار ادا کرنا ہے۔ نگران وزیراعلیٰ نے کہا کہ نگران حکومت نے مستحق مریضوں کے مفت علاج معالجہ کیلئے 15 کروڑ 44 لاکھ روپے کے فنڈز جاری کئے۔انہوںنے کہا کہ اپنے محدود مینڈیٹ کے باوجود عوام کو صحت عامہ کی بہترین سہولتوں کا سلسلہ جاری رکھاہوا ہے کیونکہ عوام کو صحت عامہ کی بہترین سہولتوں کی فراہمی کیلئے وسائل دینا ہر حکومت کا فرض ہے اور عوام کو صحت عامہ کی سہولتوں کی فراہمی کیلئے وسائل میں مزید اضافہ ہونا چاہیئے ۔انہوںنے کہا کہ مریضوں کے مفت علاج کیلئے فنڈزکسی پر احسان نہیں بلکہ ہر حکومت کا فرض ہے۔ دکھی انسانیت کی خدمت عبادت ہے،مستحق مریضوں کے مفت علاج معالجے کا سلسلہ آئندہ بھی جاری رہنا چاہیئے۔ نگران صوبائی وزیر صحت نے اپنے محکمے کی کارکردگی کے بارے میں نگران وزیراعلیٰ کو آگاہ کیا۔متعلقہ عنوان :
مزید اہم خبریں
-
غزہ پالیسی: امریکی محکمہ خارجہ کی ایک ترجمان مستعفٰی
-
نادرا کی جانب سے 3 کروڑ اسمارٹ کارڈز کی خریداری میں بے ضابطگیوں کا انکشاف
-
اسٹیٹ بینک کی مارکیٹ سے ریکارڈ 4.2 ارب ڈالر کی خریداری
-
ترقی کی راہ میں رخنہ ڈالنے اور توجہ ہٹانے کی تمام کوششیں ناکام ہوں گی،آرمی چیف
-
سینیٹر شبلی فراز نے حکومت سے بات چیت کیلئے مشروط آمادگی ظاہر کر دی
-
پرانی قومی شاہراہ کی مرمت کاکام دسمبر تک مکمل ہوگا، سکھرحیدرآباموٹرویترجیحی منصوبہ ہے،علیم خان
-
پارلیمنٹ کو سنجیدہ لیں، اسپیکر قومی اسمبلی کی وزارتوں اور ڈویژنز کو ہدایت
-
قومی اسمبلی کا اجلاس مقررہ وقت پر شروع ہو گا اس میں تاخیر نہیں ہو گی، سردار ایاز صادق
-
قومی معیشت کو نقصان پہنچانے والے عناصر کا احتساب ہو گا، وزیر اعظم
-
وزیر داخلہ محسن نقوی نے 3ماہ میں اسلام آباد کے تھانوں کی صورتحال بہتر کرنے کا اعلان کر دیا
-
کانگو میں پاکستانی امن دستے 20 سال بعد واپس جا رہے ہیں، اقوام متحدہ
-
پنجاب میں سموگ کے خاتمے کیلئے انوائرنمنٹل پروٹیکشن اتھارٹی بنانے کا فیصلہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.