Live Updates

ن لیگ نے حمزہ شہباز کو وزیرِاعلیٰ پنجاب نامزد کر دیا

گوجرنوالہ سے رکن صوبائی اسمبلی چودھری اقبال گجر سپیکر نامزد

پیر 13 اگست 2018 23:53

ن لیگ نے حمزہ شہباز کو وزیرِاعلیٰ پنجاب نامزد کر دیا
لاہور (اُردو پوائنٹ اخبارتازہ ترین - آن لائن۔ 13 اگست2018ء) پنجاب میں حکومت سازی کے حوالے سے ن لیگ نے حمزہ شہباز کو وزیرِاعلیٰ جبکہ سپیکر کے لئے چودھری اقبال گجر کو نامزد کر دیا ہے۔تفصیلات کے مطابق پاکستان مسلم لیگ (ن) کی پارلیمانی پارٹی نے میاں حمزہ شہباز کو وزیرِاعلیٰ جبکہ گوجرنوالہ سے رکن صوبائی اسمبلی چودھری اقبال گجر سپیکر نامزد کر دیا ہے۔

(جاری ہے)

خیال رہے کہ پاکستان تحریکِ انصاف (پی ٹی آئی) پنجاب میں حکومت سازی کیلئے پوزیشن میں ہے تاہم پنجاب اسمبلی کے نومنتخب اراکین کی حلف برداری کے لیے صوبائی اسمبلی کا افتتاحی اجلاس 15 اگست کو منعقد ہو رہا ہے، جس کے بعد حکومت سازی کے لیے صورتحال مزید واضح ہو جائے گی۔ پارلیمانی اجلاس سے خطاب کرتے ہوئے میاں حمزہ شہباز کا کہنا تھا کہ ماضی میں جیلیں کاٹی لیکن صبر کا دامن کبھی ہاتھ سے نہیں چھوڑا۔ وہ پارلیمانی پارٹی کے اراکین کے شکر گزار ہیں کہ انہوں نے ان پر ایک بار پھر اعتماد کیا اور انہیں پارلیمانی لیڈر اور وزیرِاعلیٰ کے طور پر نامزد کیا۔ انہوں نے اراکین کو تاکید کہ کہ پنجاب میں ڈٹ کر اپوزیشن کریں گے اور تنقید برائے اصلاح ہو گی۔
Live پاکستان تحریک انصاف سے متعلق تازہ ترین معلومات