ضلع کونسل کوہاٹ کا بجٹ برائے سال 2017-18کا اجلاس

ارب64کروڑ79لاکھ98ہزارروپے کے سالانہ ضلعی بجٹ کی متفقہ منظوری دے دی گئی،سالانہ ترقیاتی پروگرام کا ابتدائی حجم27کروڑ34لاکھ32ہزارروپے رکھا گیا

بدھ 15 اگست 2018 21:47

کوہاٹ(اُردو پوائنٹ اخبارتازہ ترین - آن لائن۔ 15 اگست2018ء) ضلع کونسل کوہاٹ نے مالی سال 2018-19ء کے لئی4ارب64کروڑ79لاکھ98ہزارروپے کے سالانہ ضلعی بجٹ کی متفقہ منظوری دے دی۔اسی طرح اجلاس میں ضمنی بجٹ برائے سال 2017-18 کی بھی متفقہ منظوری دے دی گئی۔ بجٹ میں سالانہ ترقیاتی پروگرام کا ابتدائی حجم27کروڑ34لاکھ32ہزارروپے رکھا گیا ہے۔ پریذائڈنگ آفیسر حاجی عبدالرشید کی زیرصدارت منعقدہ بجٹ جلا س میں ڈسٹرکٹ کونسلرزکے علاوہ لائن ڈیبارٹمنٹس کے ضلعی افسران نے بھی شرکت کی۔

بجٹ پر بحث میں اپوزیشن لیڈر الحامد، ڈسٹرکٹ کونسلرز اقبال خان آف شاہ پور،دلبرخان ،مومن شاہ ،گلزار خان ،محمد اقبال ،ساجد اقبال اوررضاشاہ نے حصہ لیا۔بجٹ پر بحث سمیٹتے ہوئے ضلع ناظم محمدنسیم آفرید ی نے بجٹ پاس کرنے میں اپوزیشن کے تعاون کوسراہا اوران کا شکریہ اداکیا ۔

(جاری ہے)

انہو ں نے کہا کہ کارکردگی کے لحاظ سے ضلع کونسل کوہاٹ پورے صوبے میں سب سے آگے ہے جس کا کریڈٹ حکومتی ارکان کے ساتھ ساتھ اپوزیشن کے ارکان کوبھی جاتاہے ۔

انہوںنے امید ظاہر کی کہ یہ کونسل آئند ہ بھی اسی طرح تعاون کے ماحول میں کام کرکے عوام کی خدمت کرے گی۔انہوں نے واضح کیا کہ ہم سب کا ہدف صرف اورصرف عام شہری کی بہتری ہے اوراس کے لئے ہم مل کرکام کریں گے۔پریذائڈنگ آفیسرنے ڈسٹرکٹ کونسلر زسے کہا کہ وہ 2015-16 کے اے ڈی پی کے باقی ماندہ سکیموں پر توجہ دیں اوراس سلسلے میں متعلقہ محکموںکے ساتھ قریبی رابطے میں رہیں تاکہ نئی اے ڈی پی سکیموں پربلاتاخیرکام شروع کیاجاسکے ۔کونسل کا اجلاس غیر معینہ مدت کے لئے ملتوی کردیاگیا۔