کابینہ ڈویژن نے عمران خان کے وزیراعظم پاکستان کے منصب کی ذمہ داری سنبھالنے کے بارے میں ہفتہ کو باضابطہ نوٹیفکیشن جاری کر دیا

ہفتہ 18 اگست 2018 16:22

اسلام آباد ۔18 اگست(اُردو پوائنٹ اخبارتازہ ترین - اے پی پی۔ 18 اگست2018ء) کابینہ ڈویژن نے عمران خان کے وزیراعظم پاکستان کے منصب کی ذمہ داری سنبھالنے کے بارے میں ہفتہ کو باضابطہ نوٹیفکیشن جاری کر دیا ہے۔

(جاری ہے)

گزٹ آف پاکستان ایکسٹرا آرڈنری میں اشاعت کے لئے نوٹیفکیشن نمبر 2-5/2018-Min-1 کہا گیا ’’جناب عمران احمد خان نیازی نے 18 اگست 2018ء کو صدر پاکستان کے روبرو اسلامی جمہوریہ پاکستان کے آرٹیکل 91(5) کے تحت اپنے عہدہ کا حلف اٹھا لیا اور وزیراعظم پاکستان کے منصب پر فائز ہو گئے ہیں۔‘‘ یہ نوٹیفکیشن کابینہ سیکرٹری فضل عباس میکن کے دستخطوں سے جاری ہوا ہے۔