میوزک انڈسٹری میں کسی کے لئے کشور کمار کی جگہ لینا ناممکن ہے، آشا بھوسلے

جمعہ 31 اگست 2018 12:41

ممبئی ۔ (اُردو پوائنٹ اخبارتازہ ترین - اے پی پی۔ 31 اگست2018ء) بالی وڈ کی معروف گلوکارہ آشا بھوسلے نے کہا ہے کہ آنجہانی گلوکار کشور کمار میوزک انڈسٹری کا قیمتی اثاثہ تھے اور کسی کے لئے ان کی جگہ لینا ناممکن ہے۔

(جاری ہے)

بھارتی ذرائع ابلاغ کے مطابق گلوکارہ آشا بھوسلے نے میوزک ریئیلٹی شو کی عکسبندی کے دوران گفتگو کرتے ہوئے کہا کہ کشور کمار ان کے پسندیدہ گلوکاروں اور مہربان شخصیتوں میں سے ایک تھے، وہ اپنی خوبصورت آواز سے ہر کسی کو مسحور کر دیتے اور یہاں تک وہ اپنے اردگرد لوگوں کو ہمیشہ خوش رکھتے۔ انہوں نے کہا کہ کشور کمار میوزک انڈسٹری کا قیمتی اثاثہ تھے اور کسی کے لئے ان کی جگہ لینا ناممکن ہے، مجھے ان کے ساتھ کام کر کے ہمیشہ مزا آتا۔