Live Updates

پاکستان اب امریکہ کے دباؤ میں نہیں آئے گا

امریکی وزیر خارجہ مائیک پومپیو کو اسلام آباد ائیرپورٹ پر ہی واضح پیغام مل گیا تھا

Muqadas Farooq Awan مقدس فاروق اعوان جمعرات 6 ستمبر 2018 12:49

پاکستان اب امریکہ کے دباؤ میں نہیں آئے گا
اسلام آباد (اُردو پوائنٹ اخبارتازہ ترین۔ 06 ستمبر2018ء) گذشتہ روز امریکا کے وزیر خارجہ مائیک پومپیو پاکستان پہنچے۔اسی متعلق معروف صحافی حامد میر کا کہنا تھا کہ امریکا کے وزیر خارجہ مائیک پومپیو جب اسلام آباد پہنچے تو ائیرپورٹ پر ہی ان کو ایک پیغام مل گیا تھا۔اور وہ پیغام اس طرح سے ملا کہ جب ان سے پہلے چئیرمین جوائنٹ چیف آف سٹاف آئے تو ان کا اسقبال نہ تو وزیر خارجہ شاہ محمود قریشی نے کیا اور نہ ہی سیکرٹری خارجہ تہمینہ جنجوعہ موجود تھیں۔

اور اس طرح سے امریکی وزیر خارجہ مائیک پومپیو کو واضح پیغام مل گیا تھا۔بے شک ان کا دورہ پاکستان بہت اہمیت کا حامل ہے لیکن ان کی پاکستان آمد سے پہلے ہی پاکستان کی امریکہ کی طرف سے دی جانے والی امدادی رقم بند کر دی گئی اور ایسا ماحول بنایا گیا کہ اگر امریکی وزیرخارجہ آ رہے تو وہ کوئی ایجنڈا لے کر آ رہے ہوں گے اور پاکستان پر دباؤ ڈال رہے ہوں گے لیکن ان کو پاکستان کی طرف سے واضح پیغام مل گیا۔

(جاری ہے)

حامد میر کا مزید کہنا تھا کہ بظاہر امریکی وفد اور پاکستان کےو زیراعظم عمران خان اور وزیر خارجہ شاہ محمود قریشی کے مابین ملاقات خوشگوار ماحول میں ہوئی۔ملاقات میں تعلقات کو فروغ دینے کی بات کی گئی لیکن پاکستان نے یہ بھی واضح کیا کہ اب سب کچھ برابری کی سطح پر ہو گا۔واضح رہے گذشتہ روز۔پاکستان آمد پر امریکی وزارت خارجہ کا دفتر خارجہ کے ایڈیشنل سیکرٹری شجاع عالم نے استقبال کیا تھا۔

جب کہ دفتر خارجہ آمد پر وزیر خارجہ شاہ محمود قریشی نے ان کا استقبال کیا۔۔پاکستان اور امریکہ کے درمیان وفود کی سظح پر دفتر خارجہ میں مذاکرات ہوئے۔تاہم یہاں یہ بات قابل ذکر ہے کہ پاکستان پہنچنے پر وزارت خارجہ سمیت اعلی حکام میں سے کسی نے امریکی وزارت خارجہ کا استقبال نہیں کیا۔جب کہ اس سے پہلے جب بھی امریکہ کا آفیشل وفد پاکستان آیا تو ان کا پاکستان کے اعلی سطح کے حکام کی طرف سے استقبال کیا جاتا تھا۔
Live عمران خان سے متعلق تازہ ترین معلومات