شہدائے کربلا کی قربانی و فاداری اور خلوص کی ناقابل فراموش مثال ہے۔ چیئرمین سید نیئر رضا
جمعہ 21 ستمبر 2018 21:20
(جاری ہے)
آپ نے اپنے خون سے حد فاصل قائم کر کے یہ بتا دیا کہ نظام اسلام کا اصل نمونہ کیا ہے آپ نے سر کٹا کر نانا کی امت کو بچا لیا اور دین اسلام کا پرچم سر بلند کیا ۔
آپ نے زندگی بچانے کی مصلحت سے کام نہیں لیا اور بدی کے سامنے سینہ سپر ہوگئے آپ اور آپ کے ساتھیوں نے میدان کربلا میں بہادری اور بے خوفی سے لڑتے ہوئے اپنا اور اپنی اولاد کا خون دے کر دین اسلام کو بچا لیا۔ان خیالات کا اظہار انہوں نے وائس چیئرمین سید احمر علی ،میونسپل کمشنر شاہد علی ،اراکین اسمبلی و دیگر کے ہمراہ یوم عاشورمیں نکالے جانے والے جلوسوں کے شرکاء سے خطاب کرتے ہوئے کیا۔اس موقع پر انہوں نے ڈسٹرکٹ کورنگی میں بر آمد ہونے والے جلوسوں کے شرکاء میں شرینی اور شربت بھی تقسیم کیا ۔انہوں نے کہا ہے کہ حضرت امام حسین ؓکربلا کے تپتے ہوئے صحرا میں قیامت خیز گرمی اور دھوپ میں بھوکے پیاسے مگر اللہ اور اس کے پیارے رسولﷺکی محبت اور اطاعت میں سر شار ہو کر اپنے عزیز و اقارب اور اپنے اصحاب سمیت شہادت کے عظیم منصب سے شر ف یاب ہوئے اور توحید و رسالت اور دین حق و رسالت کی سر بلندی حق گوئی اور سچائی کی خاطر اللہ کی راہ میں اپنا سب کچھ قر بان کر دیا ۔انہوں نے مزید کہا کہ حضرت امام حسینؓ نے تین دن بھوک اور پیاس ،عزیز و انصار کی شہادت کے باوجود بہادری کے وہ جوہر دکھائے جس سے دشمن کے جوڑو بند کانپنے لگے۔حضرت امام حسین ؓنے یہ ثابت کیا کہ اگر یقین محکم اور مقصد نیک ہوتو راہ حق میں آنے والے مسائل اور باطل قوتوں کی دولت اور طاقت کوئی اہمیت نہیں رکھتی آپ کی شجاعت اور جرات مظلوم اور استحصال زدہ قوموں کے لئے قوت مقاومت فراہم کرتی رہی رہے گی ۔واقعہ کربلا ہمیں ظالم کے خلاف ڈٹ جانے کا درس دیتا ہے شہدا ئے کربلا کی قربانی روشنی کا وہ مینار ہے جس کی روشنی سے ہم زندگی کے تمام گوشے منور کر سکتے ہیں ۔حضرت امام حسین ؓنے اسلام کی بقا اور سر بلندی کے لئے اپنا سب کچھ قر بان کر دیا آپ اپنی جان قر بان نہ کرتے تو ظلم اور بڑھ جاتا اور دین کی دشمن قوتیں اسلام کو مزید نقصان پہنچاتی لیکن حضرت امام حسین ؓنے علم جہاد بلند کیا اور یزیدی قوتوں سے سخت جنگ کر کے اسلام کو یزیدیت کے خونی پنجے سے ہمیشہ کے لئے نجات دلا دی آپ نے بہادری سے اپنی جان دے کر سر کٹا لیا لیکن یزیدی قوتیں آپ کے سر کو جھکا نہیں سکی۔قبل ازیں چیئرمین سید نیئر رضا نے ڈسٹرکٹ کورنگی میں مختلف سیاسی و مذہبی تنظیموں کی جانب سے لگائے گئے کیمپوں کا دورہ بھی کیا ۔مزید اہم خبریں
-
پاکستان میں حملے سے جانی نقصان پر گہرا افسوس ہے، امریکا
-
لانگ مارچ توڑ پھوڑکیس، عمران خان کی 2کیسز میں بریت کی درخواست منظور
-
حکومت کی پوری توجہ معیشت کو درست کرنے پر مرکوز ہے ، وفاقی وزیر قانون اعظم نذیر تارڑ
-
اسرائیل کاشام کے دارالحکومت دمشق پر فضائی حملہ‘ دشمن کے کچھ راکٹوں کو مار گرایا.دمشق
-
ہم وہ ہوتے ہیں جو ہم کھاتے ہیں
-
ایران: اس سال نوروز کے تہوار کے لیے عوام قناعت پر مجبور
-
روشن ڈیجیٹل اکائونٹس کے ذریعے سمندر پارپاکستانیوں کی ترسیلات زرکاحجم 7.478 ارب ڈالر سے تجاوزکرگیا
-
ڈاکٹریاسمین راشد کی ضمانت کی درخواست پرسماعت 29 مارچ تک ملتوی
-
انتخابات میں مبینہ دھاندلی کیخلاف احتجاج،شعیب شاہین،شیر افضل مروت ودیگر کی ضمانتیں منظور
-
2015میں محرم کی حفاظتی ڈیوٹی پر تعینات سندھ رینجرز نے 8 سال بعدریڈیوپاکستان کی عمارت خالی کردی
-
انسداد دہشت گردی عدالت: اسد عمر‘زین قریشی سمیت 79 ملزمان کی عبوری ضمانتوں میں توسیع
-
وزیراعلی پنجاب سے ایرانی قونصل جنرل کی ملاقات ، منصب سنبھالنے پرمبارکباد پیش کی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.