تعلیمی بورڈ کے کمپیوٹر سٹاف کی تربیت کا آغاز

بدھ 3 اکتوبر 2018 22:09

لاہور۔3 اکتوبر(اُردو پوائنٹ اخبارتازہ ترین - اے پی پی۔ 03 اکتوبر2018ء) اعلیٰ و ثانوی تعلیمی بورڈلاہور کے شعبہ انفارمیشن ٹیکنالوجی کے عملے کی جدید خطوط پر تربیت کا آغاز کر دیا گیا ہے۔ پنجاب انفارمیشن ٹیکنالوجی بورڈ کے تکینکی اشتراک سے شروع ہونے والی اس ٹریننگ کا مقصد کمپیوٹر سٹاف کو انفارمیشن ٹیکنالوجی کے جدید تصورات سے آگاہ کرنا ہے تا کہ بورڈ کو میٹرک اور انٹر میڈیٹ کے امتحانات کے نتائج بروقت تیاری میں مدد ملے اور لاہور بورڈ کے تحت امتحان دینے والے طالب علموں کا مکمل ریکارڈ بھی محفوظ رہے۔

اس تربیت کا کل دورانیہ 16دن ہے ۔

(جاری ہے)

اس حوالے سے افتتاحی نشست کے آغاز پر منعقد ہوانے والی تقریب سے خطاب کرتے ہوئے چیئر مین پرفیسر چودھری محمد اسماعیل نے کہا کہ لاہور بورڈ نے انفارمشن ٹیکنالوجی کے مسلسل اور مربُوط استعمال کے ذریعے نتائج کو بروقت اناونس کرنے میں مسلسل کامیابی حاصل کی ہے اس کے ساتھ ساتھ لاہور بورڈ میں شفافیت کو بھی برقرار رکھا گیا ہے، انہوں نے شعبہ کمپیوٹر ٹیکنالوجی کے عملے کو ہدایت کی کہ وہ اپنے آپ کو جدید کمپیوٹر ٹیکنالوجی میں رو نما ہونے والی پیش رفت سے آگاہ رکھیں اور بہترین پرفارمنس کا مظاہرہ کریں کیوں کہ اعلی کار کردگی لاہور بورڈ کا طرہ امتیاز ہے۔

Facebook Twitter Google + Share on Whatsapp

تعلیمی بورڈ کے کمپیوٹر سٹاف کی تربیت کا آغاز

متعلقہ عنوان :

مزید تعلیم کی خبریں