وزیراعلیٰ بلوچستان جام کمال خان کی سابق صوبائی وزیر ڈاکٹر حامد خان اچکزئی کے بیٹے کی وفات پر تعزیت کا اظہار

جمعہ 12 اکتوبر 2018 22:36

کوئٹہ۔12اکتوبر(اُردو پوائنٹ اخبارتازہ ترین - اے پی پی۔ 12 اکتوبر2018ء) وزیراعلیٰ بلوچستان جام کمال خان جمعہ کے روزگلستان گئے جہاں انہوں نے سابق صوبائی وزیر ڈاکٹر حامد خان اچکزئی کے بیٹے پشتونخوا ملی عوامی پارٹی کے سربراہ محمود خان اچکزئی اور سابق گورنر بلوچستان محمد خان اچکزئی کے بھتیجے ڈاکٹر سلانگ اچکزئی کی وفات پر تعزیت کا اظہار کیا اور مرحوم کی روح کے ایصال ثواب کے لئے فاتحہ خوانی کی۔

(جاری ہے)

صوبائی وزراء سردار عبدالرحمن کھیتران، میر اسد بلوچ، میر نصیب اللہ مری، نورمحمد دمڑ، میر ضیاء لانگو، میر محمد خان لہڑی اور سابق صوبائی وزیر میر عاصم کرد گیلو بھی وزیراعلیٰ کے ہمراہ تھے۔