ملتان ،ْضلعی انتظامیہ کا آپریشن ،ْ مولانا فض الرحمن کے بیٹے کے مدرسے کے گردو نواح میں زمین واگزار کرالی گئی

آپریشن کے دور ان 50سے زائد دکانیں مسمار کی گئیں ،ْ اربوں روپے کی زمین واگزار کرائی گئی

منگل 23 اکتوبر 2018 17:48

ملتان (اُردو پوائنٹ اخبارتازہ ترین - این این آئی۔ 23 اکتوبر2018ء) ملتان میں مولانا فضل الرحمان کے بیٹے کا جامعہ قاسم العلوم کے گر دونواح میں لیز کی زمین کو کمرشل استعمال میں لانے پر ضلعی انتظامیہ نے آپریشن کرتے ہوئے 50 سے زائد دکانیں مسمار کر کے 2 ارب روپے کی زمین واگزار کرالی۔

(جاری ہے)

نجی ٹی وی کے مطابق گول باغ میں تجاوزات کیخلاف آپریشن کیلئے بھاری مشینری استعمال کی گئی، اس موقع پر پولیس نے گول باغ کو چارو ں اطرا ف سے سیل کر کے آمدورفت کیلئے بند کیا جس کے بعد ضلعی انتظامیہ نے لیز پر حاصل کی گئی زمین کو کمرشل استعمال میں لانے پر مولانا فضل الرحمان کے بیٹے کی 50 سے زائد دکانیں مسمار کر دیں۔

ڈپٹی کمشنر ملتان مدثر ریاض ملک کے مطابق تجاوزات کیخلاف آپریشن بلاامتیاز جاری ہے جس کی وجہ سے ابتک 50 ارب سے زائد کی سراری زمین وگزار کرا لی گئی ہے تاہم آپریشن کو منطقی انجام تک پہنچانے کیلئے کوئی دباوبرداشت نہیں کیا جائیگا۔ضلعی انتظامیہ کی جانب سے گول باغ میں 50 سے زائد دوکانیں مسمار کرنے کے بعد لیز کی زمین کو کمرشل استعمال میں لانے پر ناجائز قابضین کو 25 کروڑ روپے کی ریکوری کا نوٹس بھی جاری کر دیا گیا ہے