وزیراعظم پاکستان کا دورہ چین کامیاب رہا ہے،دونوں ممالک نے دورے کے دوران کئے جانیوالے معاہدوں پرعملدرآمد اورپاک چین سدا بہار تزویراتی تعاون کو مزید فروغ دینے پر اتفاق کیاہے، ترجمان چینی وزارت خارجہ
پاکستان اورچین سدابہارسٹریٹجک شراکت دار ہیں، دونوں ممالک کے درمیان تعلقات وقت اوراندرونی وبین الاقوامی تبدیلیوں کی آزمائش پرپورا اترے ہیں،چین پاکستان کو اپنی بہترین استعداد کے مطابق معاونت فراہم کررہاہے،عوام کو روزگاردینے کے شعبے میں بھی پاکستان کے ساتھ تعاون کریں گے،چن ینگ کی پریس بریفنگ
بدھ 7 نومبر 2018 22:38
(جاری ہے)
انہوں نے کہاکہ اس دورے کے دوران دونوں ممالک نے طے پانیوالے سمجھوتوں پرعمل درآمد اورپاک چین سدابہارتزویراتی شراکت داری کو فروغ دینے پر اتفاق ظاہرکیاہے۔
ترجمان نے کہاکہ وزیراعظم پاکستان کے دورے کے اختتام پرجاری ہونے والے مشترکہ اعلامیہ میں پورے دورے کے حاصلات کا احاطہ کیا گیاہے۔انہوں نے وزیراعظم پاکستان کے دورہ چین کے حاصلات پرروشنی ڈالتے ہوئے کہاکہ اس دورے سے دونوں ممالک کے رہنمائوں کے درمیان دوستی گہری ہوگئی ہے کیونکہ وزارت عظمیٰ کا منصب سنبھالنے کے بعد وزیراعظم عمران خان کا چین کایہ پہلا دورہ تھا، صدرشی جن پنگ، وزیراعظم لی کی چیانگ اوردیگر چینی رہنمائوں کی وزیراعظم پاکستان کے ساتھ دوستانہ ملاقاتوں کا تبادلہ ہوا اوران کے مابین بہترتعلقات کاراستوار ہوئے ، اس دورے سے دونوں ممالک کے درمیان خصوصی دوستانہ تعلقات مزیدمضبوط ہوئے ہیں ۔ انہوں نے کہا کہ پاکستان اورچین سدابہارسٹریٹجک شراکت دار ہیں، دونوں ممالک کے درمیان بہترین تعلقات قائم ہیں، اورتعلقات اعلیٰ ترین سطح پر ہیں۔ انہوں نے کہا کہ ہم سمجھتے ہیں کہ دونوں ممالک کے درمیان تعلقات وقت اوراندرونی وبین الاقوامی تبدیلیوں کی آزمائش پرپورا اترے ہیں، دونوں ممالک نے سدابہارسٹریٹجک شراکت داری کو مضبوط و مستحکم کرنے اورمشترکہ مقدرکیلئے گہرے مراسم استوارکرنے پراتفاق کیا ہے ۔ انہوں نے کہاکہ وزیراعظم پاکستان کے دورے نے دونوں ممالک کے درمیان رابطوں کو وسعت دی ہے۔ ترجمان چینی وزارت خارجہ نے کہا کہ دونوں رہنمائوں نے دوطرفہ تعلقات پر تبادلہ خیال کرنے اورپاکستان اورچین کے وزرائے خارجہ کے درمیان سٹریٹجک ڈائیلاگ کے میکنزم کے قیام پربھی اتفاق ظاہرکیاہے تاکہ دوطرفہ تعلقات اورتعاون پردونوں ممالک کے درمیان رابطہ کاری ہو۔وزیراعظم پاکستان کے دورے دونوں ممالک کے مابین عملی تعاون اور دوستانہ تبادلوں کو مضبوط بنانے پراتفاق ہوا ہے دونوں ممالک چین پاکستان اقتصادی راہداری کے منصوبہ کو آگے بڑھانے اوراس کے تحت منصوبوں کو وسعت دینے پر بھی متفق ہوئے ہیں۔ انہوں نے کہا کہ دونوں ممالک نے اقتصادیات، مالیات، سائنس وٹیکنالوجی، زراعت، عوامی رابطوں کے فروغ میں تعاون کوفروغ دینے سے اتفاق کیاہے۔ انہوں نے کہا کہ ہم نے تکثریت، آزادانہ تجارت، اوریکساں وبامعنی تعاون کی ضرورت پرزوردیاہے۔ انہوں نے کہا کہ اس دورے کے دوران ایک درجن سے زائد تعاون کی دستاویزات پردستخط ہوئے ہیں ۔انہوں نے کہاکہ چین پاکستان کو اپنی بہترین استعداد کے مطابق معاونت فراہم کررہاہے، مستقبل میں پاکستان کی ضروریات کومدنظر رکھتے ہوئے اورباہمی رضامندی سے ہم پاکستان کو اقتصادی معاونت کی پیش کریں گے، اس کے ساتھ ساتھ عوام کو روزگاردینے کے شعبے میں بھی ہم پاکستان کے ساتھ تعاون کریں گے۔ترجمان نے کہا کہ دورے سے علاقائی اوربین الاقوامی امورپردونوں ممالک کے درمیان رابطہ کاری کے عمل کو فروغ ملاہے۔مزید اہم خبریں
-
لاہور میں فوڈ رائیڈر جلد ڈیلیوری کے چکر میں 28 ای چالان کروا بیٹھا
-
کسانوں نے گندم کی خریداری میں تاخیر پر احتجاج کا دائرہ کار بڑھا دیا
-
ججز خط کیس؛ عدلیہ میں مبینہ مداخلت پر حکومت اور ایجنسیوں سے تفصیلی جواب طلب
-
امریکہ نے سعودی عرب کے ساتھ دفاعی معاہدے کو اسرائیل کے ساتھ تعلقات سے مشروط کردیا
-
وزیراعظم شہبازشریف عالمی اقتصادی فورم کے خصوصی اجلاس میں شرکت کے بعد وطن واپس روانہ
-
ہمیں ایک ہائی سکیورٹی رسک ملک و قوم کا منفی تاثر زائل کرنا ہوگا، احسن اقبال
-
پاکستان تحریک انصاف کے انٹرا پارٹی الیکشن پر اعتراض ‘الیکشن کمیشن نے اعتراضات پر جواب جمع کروانے کی ہدایت کردی
-
ویوو Y100 کی برانڈ ایمبیسیڈر کے طور پر دُرفشاں سلیم کو متعارف کردیا گیا
-
امریکہ: فائرنگ میں تین پولیس افسران ہلاک، پانچ زخمی
-
غزہ: فائر بندی اور یرغمالیوں کی رہائی کے لیے مذاکرات
-
خیبرپختونخوا میں ’پاکستان ڈیجیٹل سٹی‘ کے قیام کے معاہدے پر دستخط
-
اگر میرے کام میں مداخلت ہو اور میں روک نہ سکوں تو مجھے گھر چلے جانا چاہیے.جسٹس قاضی فیض عیسی‘سب کو معلوم ہے کہ سچ کیا ہے لیکن بولنے کی ہمت کوئی نہیں کررہا.جسٹس اطہر من اللہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.