حضور نبی پاکؐ کا یوم ولادت، 2 روزہ انٹرنیشنل رحمة اللعالمین کانفرنس 20 اور 21 نومبر کو اسلام آباد میں ہوگی

جمعہ 16 نومبر 2018 16:10

اسلام آباد۔ (اُردو پوائنٹ اخبارتازہ ترین - اے پی پی۔ 16 نومبر2018ء) حضور نبی پاکؐ کا یوم ولادت مذہبی جوش و جذبہ اور عقیدت و احترام کے ساتھ سرکاری طور پر منانے کیلئے 2 روزہ انٹرنیشنل رحمة اللعالمین کانفرنس 20 اور 21 نومبر کو اسلام آباد میں ہو گی۔ رواں سال کانفرنس کا موضوع ’’ختم نبوتؐ اور مسلمانوں کی ذمہ داریاں تعلیمات نبویؐ کی روشنی میں‘‘ رکھا گیا ہے۔

(جاری ہے)

وزارت مذہبی امور کے ذرائع کے مطابق کانفرنس سے قبل (آج) ہفتہ کو بین الاقوامی محفل حسن قرأت و نعت کا مقابلہ نیو میمن مسجد کراچی میں بعد از نماز عشاء ہو گا۔ (کل) اتوار کو گورنر ہائوس لاہور میں محفل سماع ہوگی۔ قومی سیرت کانفرنس کے موقع پر قومی اور علاقائی زبانوں میں سیرت طیبہ پر لکھی گئی کتب سیرت، مقالات سیرت اور نعتیہ کلام کے مقابلے ہوں گے جن میں اول، دوئم اور سوئم آنے والوں کو انعامات سے نوازا جائے گا۔