سونامی کی لہریں آزاد کشمیر بھر میں داخل ہوچکی ہیں‘چوہدری اسحاق طاہر ایڈووکیٹ

سابق وزیر حکومت ،پیر مرتضیٰ گیلانی اور اظہر گیلانی ،سیدصداقت شاہ ، سیدممتاز بخاری کی تحریک انصاف کی شمولیت سے تحریک انصاف ایک مضبوط قوت بن چکی ہے

جمعرات 13 دسمبر 2018 14:20

ہٹیاں بالا (اُردو پوائنٹ اخبارتازہ ترین - این این آئی۔ 13 دسمبر2018ء) پی ٹی آئی کے مرکزی نائب صدر امیدوار اسمبلی چوہدری اسحاق طاہر ایڈووکیٹ کہا ہے کہ سونامی کی لہریں آزاد کشمیر بھر میں داخل ہوچکی ہیں سابق وزیر حکومت ،پیر مرتضیٰ گیلانی اور اظہر گیلانی ،سیدصداقت شاہ ، سیدممتاز بخاری کی تحریک انصاف کی شمولیت سے تحریک انصاف ایک مضبوط قوت بن چکی ہے ان کی شمولیت بارش کا پہلا قطرہ ہے یہ سب قائد کشمیر بیرسٹرسلطاب محمود چوہدری کی شب وروز کی محنت ہے بیرسٹرسلطان محمود چوہدری نے اپنی قائدانہ صلاحیتوں سے تحریک انصاف کو آزادکشمیر میں ایک ناقابل شکست قوت بنا دیا انشااللہ آزادکشمیر کے آمدہ الیکشن میں تحریک انصاف آزادکشمیر سے بھاری اکثریت سے جیت کر حکومت بنائے گی ان خیالات کا اظہار انہوں نے صحافیوں سے خصوصی گفتگو کرتے ہوئے کیا نے مزید کہاکہ ہم تحریک انصاف میں شامل ہونے والوں کو خوش آمدید کہتے ہیں عمران خان کا ویژن گھر گھر پہنچادیا جس طرح پاکستان میں عمران خان کرپٹ لوگوں کے خلاف گھیرا تنگ کر دیا ہے اسی طرح انشااللہ بیرسٹرسلطان محمود چوہدری کی قیادت میں آزادکشمیر میں بھی کرپشن اور لوٹ کھوسٹ کے نظام کو ختم کر کے دم لیں گے۔